Karoo-inspirasie vir jou nagereg
Hier is vyf maniere om dié lipleklekker poeding in ’n glas te geniet
T ANT’ Sannie Se Melktert is ’n nuwe, heerlike likeur wat jou terugvoer na hoe melktert moet smaak – hoe tant Sannie van die Karoo dit maak. Verbeel jou net: ’n= soet, krakerige kors met ’n sagte binnekant gemaak van Bella die koei se melk, kondensmelk, kaneel en ’n knertsie uit oom Dawie se heupflessie. Die legende is in die Karoo gebore, maar Suid-Afrikaners geniet dit in elke huishouding. En nou kan jy met behulp van Tant’ Sannie Se Melktert vir jou gaste poeding in ’n glas voorsit. Al wat jy benodig, is ’n glas, ’n bietjie ys en kaneel. Giet Tant’ Sannie Se Melktert oor ys, sprinkel vir die mooi kaneel oor, en siedaar, jy het ’n nagereg uit die boonste rakke!
Tant’ Sannie Se Melktert het ook ’ n heerlike geur wat ander nageregte selfs lekkerder maak. Beproef een van dié vyf voorstelle: S
Maak roomyssous
Giet ’n blikkie ingedampte melk by twee opgekapte Bar-Ones en ’n koppie van Tant’ Sannie Se Melktert in ’n pot, en roer tot alles opgelos en saamgesmelt het. Sit dit voor oor vanielje- of sjokoladeroomys. S S S S
Voeg dit by malvapoeding
Volg die gewone malvapoedingresep, maar vervang een van die koppies melk in die resep (in die sous, beslag of albei) met ’n koppie Tant’ Sannie Se Melktert.
Maak yskastert
Noem dit sommer Afrikaanse tiramisu: Gebruik Tant’ Sannie Se Melktert pleks van die tradisionele geure soos suurlemoen of koffie wanneer jy weer yskastert maak.
Warmsjokolade
Voeg ’n skeut Tant’ Sannie Se Melktert by wanneer jy warmsjokolade maak. Moenie vergeet om ’n malvalekker in jou koppie te sit nie!
Tant’ Sannie Se Melktertmousse
S