JOU STERRE
STEENBOK
21 DES – 20 JAN Dis ’n week van werk agter die skerms, of jy nou ’n geliefde bystaan, jou doelwitte bevorder of jou gewig agter ’n gemeenskapsprojek ingooi. Al kry jy nie dadelik erkenning nie, sal jou bydrae nie ongesiens bly nie. Andersins kan gebrekkige kommunikasie vandeesweek ’n versteekte vyand wees. Tel jou woorde; selfs ’n taktvolle Steenbok kan ’n flater begaan. GELUKKIGE NOMMERS 18, 43, 22, 6, 2, 46
WATERDRAER
21 JAN – 18 FEB Die energieke Mars gaan vandeesweek jou beroepshoroskoop binne; dus is die tyd geleë om proaktief te wees oor die uiterlike aspekte van jou lewe. Of jy in jou werklewe vordering maak, ’n humanitêre organisasie stig of om ’n posisie meeding, dis tyd om die bal aan die rol te sit. Met dié dat Mercurius nou in trurat deur jou teken beweeg, is dit ook ’n geskikte tyd om jou loopbaandoelwitte te hersien. GELUKKIGE NOMMERS 19, 13, 12, 24, 31, 14
VISSE
19 FEB – 20 MRT Dagdrome en fantasieë, veral van ’n romantiese aard, kan op die oomblik met jou werkprestasie inmeng. Dis raadsaam om skouer aan die wiel te sit en jou volle aandag aan jou werk te bestee; dit is nou ’n gunstige tyd. Gelukkig beweeg die motiverende Mars vandeesweek ’n medewaterteken binne; daarom kan dit ietwat makliker wees om jou reg te ruk en te konsentreer. GELUKKIGE NOMMERS 42, 9, 38, 20, 33, 35
RAM
21 MRT – 19 APR Dis ’n week om jou horisonne te verbreed. Dit val so reg in die kraal van ’n avontuurlike Ram. Reis is ’n vanselfsprekende keuse om plekke te verken en met ander kulture en uiteenlopende beskouings in aanraking te kom. Noudat Mercurius in trurat is, sal dit raadsaam wees om vir veranderende roosters voorsiening te maak. Gaan jou reisplan weer na. GELUKKIGE NOMMERS 29, 10, 36, 26, 7, 41
BUL
20 APR – 20 MEI Die vurige Mars beweeg jou liefdeshoroskoop binne. Terwyl jou liefdeslewe dalk beduidend opgekikker word, is daar ook slaggate. Al is jy gewoonlik kalm en vreedsaam, kan meningsverskille die humeure laat opvlam. Met dié dat die mededeelsame Mercurius agteruitbeweeg, is misverstande aan die orde van die dag. GELUKKIGE NOMMERS 7, 4, 30, 39, 29, 32
TWEELING
21 MEI – 20 JUN Wat die liefde betref, is dit dalk nie die maklikste week nie. Verhoudingsverpligtings kan jou inperk of onsekerheid kan jou versondig. Hoe dit ook al sy, dit kan alles na harde werk voel. En met dié dat Mercurius nou in trurat beweeg, span die sterre saam vir misverstande. Dit kan onrusbarende nuus wees vir ’n Tweeling, wat op welsprekendheid steun om probleme uit te stryk. GELUKKIGE NOMMERS 32, 17, 34, 15, 19, 42
KREEF
21 JUN – 21 JUL Staan terug en heroorweeg jou leefwyse. Vir algemene welstand is genoeg slaap, ’n heilsame dieet en daaglikse oefening vereistes. Die nadelige uitwerking van stres weens verantwoordelikhede moenie oorgesien word nie. Jy het gereelde wegbreke nodig om jou liggaam, verstand en siel te koester. GELUKKIGE NOMMERS 41, 23, 48, 49, 2, 18
LEEU
22 JUL – 22 AUG Ontspanning en plesier kry vandeesweek die hoogste prioriteit – perfek vir ’n Leeu, wat hou van pret. Verruil werk-, openbare en gesinspligte vir stokperdjies en uitstappies. Jy wil dalk saam met jou vriende kuier, tyd aan ’n gunstelingtydverdryf bestee of fliek of teater toe gaan. Maar die beste van alles sal ’n romantiese naweekwegbreek saam met die liefde van jou lewe wees. GELUKKIGE NOMMERS 33, 11, 5, 21, 20, 24
MAAGD
23 AUG – 22 SEP Al slaan die gedrag van party van jou geliefdes jou dronk, is jou familie nou belangrik. Kry hulle byeen vir ’n reünie. Julle wil dalk saam eet, op die hoogte kom van mekaar se stories en herinnerings ophaal. Dit is ook die perfekte week om navorsing oor jou herkoms te doen en jou stamboom op te teken. GELUKKIGE NOMMERS 35, 16, 1, 27, 39, 26
WEEGSKAAL
23 SEP – 22 OKT As jy ’n tipiese Weegskaal is, is jy waarskynlik liggelowig. Dit kan lei tot hartseer wat hartsake betref. Maak seker van wederkerende gevoelens voor jy sterre in jou oë kry, want die skyn bedrieg. Hou intussen alle kommunikasiekanale oop. Mercurius se agteruitbeweging kan jou op dié lewensgebied die swaarste tref. GELUKKIGE NOMMERS 31, 47, 45, 37, 49, 15
SKERPIOEN
23 OKT – 21 NOV Jou planeet, Mars, beweeg jou teken binne. Dit beteken sake sal oor die algemeen in jou guns verloop. Met meer gô, skerp fokus en ekstra mag is dit ’n week waarin jy baie kan bereik. Aangesien jou hulpbronne in die kollig kom, is dit ’n geskikte tyd om jou talente te ontwikkel. Jy wil dalk tyd daaraan afstaan om jou sterk punte te identifiseer en daaraan te werk. GELUKKIGE NOMMERS 14, 3, 28, 8, 27, 21