SPOGGERIGE SJOKOLADEPEERKOEK MET MALVALEKKERVERSIERSEL
Maak seker jy bak dié koek nie te lank nie; dit moet so effens aan ’n brownie herinner. LEWER 1 GROOT KOEK Bereiding: 25 min. Bak: 30-40 min. 200 g klipgemaalde
koekmeel 60 g kakao 2,5 ml (½ t) koeksoda 5 ml (1 t) bakpoeier 2,5 ml (½ t) sout 40 g bruinsuiker 30 g elk xilitol en
stevia 3 eiers 180 ml (¾ k) olyf-en
pitoliemengsel 300 g ryperige pere,
fyngerasper 50 g gekapte okker
of pekanneute 100 g 70%-donker
sjokolade, gesmelt VERSIERSEL 3 eierwitte 180 ml (¾ k) xilitol knippie kremetart oondgebraaide peer
skyfies vir versiering Voorverhit die oond tot 180 °C. Bespuit ’n 20 cm-losboompan met kossproei en be- stuif met meel.
1 Sif die droë bestanddele saam; roer die versoeters by.
2 Klits die eiers en olie saam en klits dan die pere by.
3 Vou die droë bestanddele by die eiermengsel in. Roer die neute by die gesmelte sjokolade in en roer by die deegmengsel in.
4 Skep in die bereide pan en bak sowat 30 min. tot net gaar en nog effens drillerig in die middel. Laat dit afkoel.
5 Versiersel Plaas die eierwitte, xilitol en kremetart in ’n glasbak oor ’n kastrolletjie met kookwater. Laat dit 3 min. prut tot warm en tot die xilitol opgelos het; roer gedurig.
6 Verwyder van die hitte; klits met ’n elektriese klitser tot lig en blink. Skep bolle meringue bo-op die koek en skroei effens met ’n blaasvlam. Rond af met die peerskyfies.