JOU STERRE
BUL
20 APR – 20 MEI Die week het ’n peinsende aard, wat nie nadelig is vir ’n Bul, wat graag herkou, nie. Dis nie net ’n goeie tyd om oor die lewe oor die algemeen te besin nie; ook om oor ernstige besluite van ’n professionele of persoonlike aard na te dink. Al voel jy dalk gemotiveer en dat baie bereik kan word, sal dit waarskynlik weldeurdagte optrede wees wat tot sukses lei. GELUKKIGE NOMMERS 12, 36, 52, 34, 23, 13
TWEELING
21 MEI – 20 JUN Met dié dat jy tot ’n lugteken behoort, is jy waarskynlik iemand wat van gesprekke en sosiale interaksie hou. Op die oomblik hoef jy nie verder as jou vriende te soek om jou dors na intellektuele stimulasie, storievertelling, gesprekvoering en skinderstories te les nie. As ’n bedrywige program die laaste tyd gemaak het dat jy jou vriende afskeep, is dit die regte tyd om daarvoor te vergoed. GELUKKIGE NOMMERS 51, 7, 30, 25, 1, 38
KREEF
21 JUN – 21 JUL As jy ’n tipiese Kreef is, is jy dalk ’n sensitiewe siel, wat ook beteken jy kan maklik seerkry. Aangesien jy waarskynlik in ’n ongenaakbare en oorheersende omgewing gedompel en deur ’n negatiewe gees omring word, moet jy daarteen waak om sake te persoonlik op te neem. Of dit nou jou lewensmaat is wat onsensitief is, jou baas oorheersend, ’n familielid taktloos of ’n vriend onbedagsaam, probeer jou eie gevoelens onaangetas hou. GELUKKIGE NOMMERS 17, 50, 47, 35, 28, 8
LEEU
22 JUL – 22 AUG Dis ’n week om jou horisonne te verbreed deur nuwe plekke te besoek, nuwe onderwerpe te bestudeer of ander filosofieë te verken. As reis jou belangstelling prikkel, gaan weer jou reisdokumente na, maar wees buigsaam met jou reisplan. Jy wil dalk verdere studie oorweeg. Nog ’n manier om jou uitkyk te verbreed is om met mense van ander kulture en agtergronde te meng. GELUKKIGE NOMMERS 6, 20, 31, 16, 2, 21
MAAGD
23 AUG – 22 SEP Dis ’n goeie week vir jou en jou maat om te praat oor alles wat julle deel – huistake, standpunte en geldsake inkluis. Wat die laasgenoemde betref, moet jy versigtig wees as dit by beleggings kom. Dis ’n goeie tyd om jul begroting te hersien. Venus is nou in ’n grondteken en dit behoort makliker eenstemmigheid moontlik te maak. GELUKKIGE NOMMERS 51, 50, 5, 46, 11, 48
WEEGSKAAL
23 SEP – 22 OKT Dit kan ’n stresvolle week wees, veral omdat jy ’n vredeliewende Weegskaal is, wat nie van konflik hou nie. Dit is dalk ’n misverstand tussen jou en die liefde van jou lewe wat onenigheid veroorsaak, ’n familietwis of konflik op kantoor wat jou ewewig versteur. Dis wys om te onthou jy kan nie altyd almal tevrede stel nie. GELUKKIGE NOMMERS 42, 15, 39, 26, 49, 43
SKERPIOEN
23 OKT – 21 NOV Die lewe speel dié week by die werkplek af, hoewel nie seepglad nie. Jou ervaring in die hantering van krisisse sal dus ’n aanwins wees. Sekere sake sal buite jou beheer wees, of dit nou spertye is wat verskuif, vergaderings wat afgestel word of tegnologie wat jou in die steek laat. Ten beste is dit ’n week om daarop te fokus om jou werkdoelwitte te hersien en daarvolgens te beplan. GELUKKIGE NOMMERS 24, 40, 52, 45, 22, 18
BOOGSKUTTER
22 NOV – 20 DES Dis ’n week waarin jy teen ’n geldknyp moet waak, wat ’n slag vir ’n Boogskutter met ’n vrygewige hart kan wees. Jy moet dalk die eise inperk van kinders wat jou kontantvloei knoei, reisuitgawes wat ’n gat in jou sak brand en oorbesteding aan vermaak wat jou beursie tap. As jy jou geldsake op ’n verantwoordelike, ietwat beperkende manier hanteer, behoort jy kop bo water te hou. GELUKKIGE NOMMERS 14, 37, 19, 4, 9, 29
STEENBOK
21 DES – 20 JAN Dié week gaan oor die gesinslewe, wat ongewoon kan wees vir ’n presterende Steenbok wat beroepsukses hoog aanslaan. Nou kom jou gesin eerste; of jy nou by die huis wil bly of hulle op ’n uitstappie neem, dit is ’n tyd vir gehaltetyd saam met jou geliefdes. Dis ook ’n goeie week om met familielede van ver te herenig. GELUKKIGE NOMMERS 10, 32, 33, 44, 3, 41
WATERDRAER
21 JAN – 18 FEB Dié week is ’n goeie tyd om na te dink. Dis ’n besonder geskikte geleentheid om op jou verborge sterk en swak punte te fokus. Besinning kan sluimerende talente of sterk punte ontbloot wat ontwikkel moet word. Inwaartse aandag kan ook lig werp op selfondermynende beskouings en gewoontes. GELUKKIGE NOMMERS 27, 51, 34, 31, 13, 5
VISSE
19 FEB – 20 MRT As ’n spontane Vis is dit dalk nie in jou aard om oordrewe doelgerig te wees of te veel planne vir die toekoms te maak nie. Maar vir drome en wense om waar te word, word ’n sekere hoeveelheid moeite vereis. Dis ’n goeie week om aan jou langtermyndrome struktuur te gee en aan praktiese maniere te dink om dit te bereik. Jy moet jou dalk wend tot mense met meer ervaring vir oordeelkundige lewensraad. GELUKKIGE NOMMERS 52, 16, 38, 19, 47, 14