Die omroeper Sherlin Barends kook nou ook op die kassie
Of dit nou oor die radio of op die kassie is, die talentvolle Sherlin kook behoorlik
DEBUUT OP DIE KASSIE
Dié KFM-radio-omroeper kuier nou Dinsdagaande in ons sitkamers as aanbieder van die nuwe VIAprogram Wat Maak Jy? Elke week spook twee spanne in dié reeks dit uit om as die coolste vlogger gekroon te word. “Die program is vol pret, maar is geweldig mededingend,” vertel Sherlin (27). Dit was nog altyd haar droom om ’n TV-aanbieder te wees. “Ek het voor die televisieskerm grootgeword. Vroue soos (die Top Billingaanbieders) Jo- Ann Strauss en Jeannie D het my gemotiveer om oor my eie TV-program te droom. Die feit dat ek die mylpaal bereik het, is ’n ongelooflike prestasie,” sê dié boorling van Stellenbosch.
RADIO, HAAR EERSTEERSTE LIEFDE
Die radiogogga het in 2010 op universiteit gebyt toe sy as tweedejaarMatie by die Universiteit Stellenbosch se kampusradiostasie, MFM 92.6, begin werk. Sy het daarna ’ n jaar lank as student by die vrouetydskrif Sarie gewerk en was ’n nuusleser op die Kaapse radiostasie Good Hope FM voor sy verlede jaar by KFM aan gesluit het. Sy is deel van die ontbytprogram saam met Darren “Whackhead” Simpson. Dié werk is haar gunsteling, vertel sy. Soggens is sy vieruur uit die vere. “Ek hou nie daarvan om die huis te verlaat voor ek mediteer en ’n koppie groentee drink nie. Ek is van sesuur tot negeuur op p die lug. Dit word gevolg deur r vergaderings, adminwerk en n dan gimnasium of gaan stap. “Ek probeer om tienuur saans s in die bed te wees, maar dit t gebeur nie altyd so nie.”