KERRIEHOENDER MET BLOMKOOLRYS
Blomkoolrys wat effens geroerbraai word, vervang gewone rys. Maak jou eie met ’n kop blomkool; dis veel goedkoper. Die hoender kook in ’n geurige kerrieklappermelksousie tot gaar. Bevrore ertjies is ideaal om te gebruik omdat dit geen voorafgaarmaak nodig het nie. GENOEG VIR 4-6 MENSE Bereiding: hoender: 10 min.; rys: 10 min. Gaarmaak: hoender: 20-25 min.; rys: 10-15 min. 6 hoenderdytjies sout en vars gemaalde
peper olie 1 ui, gekap 4 knoffelhuisies,
fyngedruk 5-10 ml (1-2 t) tikkakerriepasta of na smaak 1 blik (400 ml) klapper
melk 250 g bevrore ertjies 10 ml (2 t) sojasous sap van 1 lemmetjie blomkoolrys (sien resep) en ekstra lemmetjies vir voorsit
1 Geur die hoender met die sout en peper en braai in ’n bietjie verhitte olie tot net bruin. Skep uit.
2 Braai die ui saam met die knoffel tot sag, voeg die kerriepasta by en meng.
3 Voeg die hoender en klappermelk by, verlaag die hitte en laat prut tot die hoender sag is. Voeg die ertjies by en verhit.
Voeg die sojasous en lemmetjiesap by. Sit voor saam met die blomkoolrys. BLOMKOOLRYS 1 blomkool, kern
verwyder 15 ml (1 e) olie 2 knoffelhuisies,
fyngedruk 2-3 stingeluie,
fyngekap sout en peper gebraaide sesamsaad
1 Kap die blomkoolblommetjies fyn, plaas in ’n voedselverwerker en pols tot fyn.
2 Verhit die olie en soteer die knoffel en uie tot net sag. Voeg die blomkool by en roerbraai vinnig tot effens bros buite. Geur met die sout en peper en sprinkel die sesamsaad oor.