MINI-PRALIEN-KAASKOEKIES
Roomkaas of geroomde maaskaas is die sleutelbestanddeel in enige goeie kaaskoek. Dié weergawe word met pralien en vars pruime opgetof. Enige ander vars vrugte werk ook heerlik by dié kaaskoekies. LEWER 6-8 KLEIN KAASKOEKIES Bereiding: 20 min. Bak: 40 min. Verkoel: 1 uur KORS 200 g Tennis
beskuitjies 100 g grondboontjies 125 ml (½ k) botter,
gesmelt VULSEL 500 g roomkaas 250 ml (1 k) jogurt 125 ml (½ k) room 125 ml (½ k) suiker 2 eiers 3 eiergele 5 ml (1 t) vanielje VIR VOORSIT pralien of peanut brit
tle, in stukke gebreek 2 pruime, in skyfies
gesny Voorverhit die oond tot 150 °C. Bespuit 6-8 ronde losboomkoekvormpies met ’n 10 cm-deursnee met kossproei.
1 Kors Plaas die beskuitjies en grondboontjies saam in die bak van ’n voedselverwerker en pols tot fyn. Voeg die botter by en pols tot gemeng.
2 Skep 30 ml (2 e) van die krummel in elke koekvormpie en druk teen die bodem vas. Verkoel tot benodig.
3 Vulsel Sit die kaas, jogurt en room saam in ’n groot mengbak en klits met ’n elektriese handklitser tot glad en goed gemeng.
4 Voeg die suiker, eiers, eiergele en vanielje by. Klits tot goed gemeng. Verdeel die vulsel tussen die koekvormpies. Pak die vormpies op ’n bakplaat. Bak 35-40 min. of tot gestol.
5 Laat die koekies in die vormpies afkoel, ontvorm en verkoel nog minstens 1 uur in die yskas.
6 Vir voorsit Versier die koekies met die pralien en pruime en sit voor.