JOU STERRE
TWEELING
21 MEI – 20 JUN Venus, die godin van liefde, beweeg dié week by jou teken in. Dit behoort jou taamlik bedrewe te laat voel wat sake van die hart betref. As jy die aandag van iemand wil trek wat jou hartsnare roer, jou uit ’ n dubbele afspraak moet los praat of die liefde van jou lewe wil bederf, is die weg gebaan. GELUKKIGE NOMMERS 44, 2, 30, 52, 10, 49
KREEF
21 JUN – 21 JUL Dit lyk of verhoudings dié week die oorsaak van verwarring en spanning kan wees, op ’ n persoonlike vlak of in jou beroepslewe. Jy word dalk in ’n magstryd met jou geliefde gewikkel, raak in ’ n vurige debat met jou baas betrokke of stamp koppe met jou kollegas. Verkwik jou siel deur te sorg dat jy tyd alleen deurbring. GELUKKIGE NOMMERS 47, 43, 26, 15, 4, 40
LEEU
22 JUL – 22 AUG Die son beweeg dié week by jou beroepshoroskoop in en plaas jou in die kollig. Dit is dalk so reg in die kraal van ’ n Leeu, wat daarvan hou om die middelpunt van belangstelling te wees, of hy nou die massas wil inspireer, ’n persoonlike strewe bevorder, die wêreld vermaak of met ’ n talent spog. Terwyl dit ’ n goeie tyd is om die yster te smee terwyl dit nog warm is, is dit die moeite werd om te onthou jou reputasie is op die spel. Een misstap kan jou aansien skade berokken. GELUKKIGE NOMMERS 45, 31, 39, 25, 48, 6
MAAGD
23 AUG – 22 SEP Die son beweeg by ’ n medegrondteken in. Dit behoort jou gemakliker te laat voel om jou op ’ n nederige manier uit te druk. Of jy nou ’ n sakevoorlegging moet doen, ’ n huishoudelike saak probeer uit stryk of ’ n kind met ’n projek moet help, jou praktiese benadering en verstandige geaardheid sal die deurslag gee. GELUKKIGE NOMMERS 50, 51, 17, 23, 29, 5
WEEGSKAAL
23 SEP – 22 OKT Jou planeet, Venus, beweeg dié week by ’ n medelugteken in, wat jou op jou gemak behoort te laat voel. Dit kan maklik wees om ’ n middeweg in onderhandelings te vind en moeiteloos om met ander sosiaal te verkeer. Dit kan van groot hulp wees, veral aangesien dit lyk of familierusies aan die tuisfront die vrede kan versteur. GELUKKIGE NOMMERS 36, 34, 42, 27, 3, 37
SKERPIOEN
23 OKT – 21 NOV Die son beweeg by jou liefdeshoroskoop in, verwarm jou hart en helder jou liefdeslewe op. Dit bied goeie vooruitsigte as daar iemand is wat jou pols vinniger laat klop of jy die vlamme van begeerte wil aanwakker in ’ n verhouding wat saai geraak het. As jy las het van jaloesie, moet jy teen die groen oogmonster waak. GELUKKIGE NOMMERS 38, 18, 19, 16, 52, 33
BOOGSKUTTER
22 NOV – 20 DES Die verhoudingskoningin, Venus, beweeg by jou liefdeshoroskoop in en bring liefde en genot aan jou en jou geliefde. Dit is ’ n week vir gehaltetyd saam deurbring, of julle nou avonture deel of saam filosofeer. As jy die liefde van jou lewe wil beïndruk, voeg ’n skeut romanse by en reël ’ n eksotiese naweekwegbreek of kersligete. GELUKKIGE NOMMERS 13, 14, 51, 41, 12, 35
STEENBOK
21 DES – 20 JAN Jy kom dalk as ’ n diktator voor, al is dit onbedoeld; daarom is dit ’ n week om teen ’ n oorheersende benadering en baasspelerige neigings te waak. Dit lyk of veral jou gesin die spit afbyt. Probeer toegeeflik met die kinders wees en ’ n bietjie rustiger met die huisreëls. Jou ingebore geduld sal gelukkig makliker wees om uit te druk. GELUKKIGE NOMMERS 28, 1, 11, 22, 7, 50
WATERDRAER
21 JAN – 18 FEB Fokus op die invloed van die onderbewuste. Onderliggende beperkende en selfondermynende oortuigings kan ’ n negatiewe uitwerking op jou gedagtes hê en, veral as ’ n rasionele lugteken, gevolglik op jou algehele welstand. Verken die onderwerp van geesteskrag. Soek nog inligting op die internet en lees boeke daaroor. GELUKKIGE NOMMERS 21, 9, 8, 32, 26, 19
VISSE
19 FEB – 20 MRT As ’ n Vis is jy ’ n deernisvolle siel met ’ n streep liggelowigheid daarby. Ten beste kan jou vrygeestige aard jou omgang met ander vergemaklik, en jou empatiese oor behoort jou gewild te maak. Maar dit is ’ n week waarin die beterweterige en oordonderende gedrag van vriende en vennote jou maklik kan oorweldig. GELUKKIGE NOMMERS 17, 51, 38, 49, 6, 23
RAM
21 MRT – 19 APR Wat jou beroepslewe betref, is dit ’ n week waarin jy berge kan versit. Met dié dat jou geesdriftige aard en mededingende voorsprong versterk is, kan jy goeie vordering maak. Dis noodsaaklik om nie mense in gesagsposisies die harnas in te jaag nie, want dit kan jou pogings ondermyn. Behoorlike beplanning is nodig. GELUKKIGE NOMMERS 5, 39, 41, 44, 13, 20