KYK NET HIER!
Hier is die jongste aanbiedings van ons adverteerders – van nuwe produkte tot winskopies
VOEDENDE SORG VIR JOU VEL
Vertroetel jou vel met Justine Tissue Oil vir lyf en gesig. Dit is met vitamien E en natuurlik ontleende olies verryk en is daarvoor bekend dat dit letsels en rekmerke binne twee weke met ’n merkbare verskil versag. Dit laat jou vel fermer lyk, versterk die buitelaag daarvan en werk sonskade teen. Kry jou weefselolie vir R79 per 60 ml. Kontak ’n Justine-agent by 010205-5000 of besoek justine.co.za.
NOG NESTLÉ-GOEDHEID
Nestlé se nuwe Fitness-ontbytgraanstafie is ideaal om op ’n drafstap te geniet. Dié heerlike ontbytgraanstafie word van volgraan gemaak en is ’n bron van vesel, yster, vitamiene en minerale. Geniet die smaaklike, krakerige aarbeistafie, propvol regte vrugtestukkies, of die heerlike bros sjokoladestafie bedek met regte sjokolade. Kry joune op die ontbytgraankosrakke by voorste handelaars.
SKUD DIT AF MET CAPPUCCINO
Herbalife stel sy nuwe winter-geïnspireerde cappuccino-skommel bekend. Dit het steeds alles wat die oorspronklike Formula 1 Shake Mix-reeks bied, maar het nou die koffiegeur waarvan jy hou. Dit bevat 22 belangrike vitamiene en minerale soos vitamiene A, C, E, B en seleen, en is ’n gerieflike alternatief vir ’n kilojouleryke ontbyt, middag- of aandete. Vind nog uit by herbalife.co.za.
LENTHÉRIC I LOVE NOU TROPIES
Lenthéric het onlangs ’n nuwe I Lovegeur, I Love Tropical, bekendgestel. Die prettige, parmantige en speelse reeks bevat reeds gunstelinge soos l Love . . . Candy, Vanilla, Flowers en Musk. Die Tropical-geur word gekenmerk deur ’n mengsel van vars, vonkelende lemoenen perskenote saam met meer eksotiese note soos frangipaniblomme en sondeurdrenkte klappermelk.
TUISDEKOR VIR MINDER
Klee jou vensters in styl met Decorland se houtrelingstelle van 28 mm. Die relings is in die kleure Light Ash en Warm Kiaat beskikbaar en in lengtes van 1,5 m, 2 m, 2,5 m en 3 m te kry. Steunarmpies en puntversierings is boonop ingesluit. ’n Mens kan kies uit bal- en koepelpuntversierings vir die volmaakte afronding vir jou bepaalde vertrek. Vanaf R299 by Decorland-winkels te kry. Besoek decorland.co.za vir nog inligting.
TROTS PLAASLIK EN WEELDERIG
Sê tot siens aan ’n dorre, droë vel met Serenitii Luxury Body Care by Sarinah. Die intensiewe velsorgreeks is ryk aan vitamiene A en E, antioksidante en fito-voedingstowwe en met Afrika se oudste olie, galambotter van die kariteboom in Ghana, vermeng. Behandel jou vel met voeding wat trots Afrika is. Te koop by voorste Pick n Pay-winkels landwyd en aanlyn by shopserenitiilbc.co.za.