JOU STERRE
TWEELING
21 MEI – 20 JUN As Tweeling is jy dalk geneig om in jou kop te leef, met denkprosesse wat jou lewe reël. Al is jy gewoonlik rasioneel, kan kwade gedagtes jou lewe nou versuur. Dis ’n verbygaande fase, maar gedagtes is kragtig en kan langdurige gevolge hê. Probeer jou verstand besig hou deur ’n interessante boek te lees, ’n boeiende onderwerp te bestudeer of iets te skryf. GELUKKIGE NOMMERS 52, 47, 18, 22, 13, 32
KREEF
21 JUN – 21 JUL As jy nou wil hê jou behoeftes moet vervul word, wil jy jou dalk tot jou vriende wend. Of jy iets van die hart af wil kry, hulp met ’n projek kort of ’n skouer soek om op te huil, ’n vriend kan jou steunpilaar wees. Behoeftig of nie, dis ’n goeie tyd om uit te gaan en gehaltetyd saam met jou vriende deur te bring. Hul geselskap is belangrik, selfs vir ’n gesinsvaste Kreef. GELUKKIGE NOMMERS 51, 8, 45, 11, 20, 17
LEEU
22 JUL – 22 AUG Met dié dat die son nou in jou beroepshoroskoop tuisgaan, haal alles uit wat die bevordering van jou beroep betref. Dit is dus ’n week om pret en speletjies opsy te skuif en jou op jou professionele doelwitte toe te spits. Harde werk en toewyding behoort vrugte af te werp. As jy ’n loopbaanpad probeer vestig, die suksesleer wil uitklim of ’n doelwit bereik, is dit die moeite werd om jou in te span. GELUKKIGE NOMMERS 33, 35, 50, 23, 14, 6
MAAGD
23 AUG – 22 SEP Dit kan ’n moeilike week wees, veral as jy ’n ordelike Maagd is wat daarvan hou dat jou sake agtermekaar is. Dit is dalk mense pleks van omstandighede wat ’n stok in die wiel steek. Dit kan ’n misverstand tussen jou en jou maat wees wat jou van stryk bring, of ’n baas wat vaag is oor ’n spertyd. Nietemin, dit lyk asof verwarring heers – gelukkig net tydelik. GELUKKIGE NOMMERS 19, 37, 52, 50, 24, 31
WEEGSKAAL
23 SEP – 22 OKT Dit kan ’n inspannende week wees, veral vir ’n vredeliewende Weegskaal wat konflik verpes en wil hê almal moet gelukkig wees. As geskille tussen familieliede jou van stryk bring, onverwagte veranderings die balans versteur of misverstande jou liefdeslewe bederf, wag ’n uitdagende tyd op jou. Gaan fliek, doen inkopies of kuier om jou ewewig te herstel. GELUKKIGE NOMMERS 39, 41, 36, 12, 46, 49 S S
S SKERPIOEN
23 OKT – 21 NOV Die soeklig val nou op alle soorte verhoudings. Dis ’n goeie tyd om ou griewe te laat vaar en bande te versterk – by die werk en in jou persoonlike lewe. Dit is ’n geskikte tyd om professionele bande te smee wat op lang termyn winsgewend en suksesvol kan wees. Aangesien die liefde ook blom, reël ’n romantiese naweek weg. GELUKKIGE NOMMERS 1, 20, 31, 28, 43, 10
BOOGSKUTTER
22 NOV – 20 DES As jy ’n tipiese Boogskutter is, kan dit moeilik wees om te weet wanneer genoeg regtig genoeg is – ’n kenmerk wat verwoesting kan saai in jou geldsake en gesondheid. Met dié dat die klem nou op jou welstand val, gee aandag aan jou leefwyse. Leer matigheid voor oë hou en werk ’n geskikte eet-en-oefenplan uit met genoeg rustyd daarby ingereken. GELUKKIGE NOMMERS 42, 26, 51, 34, 13, 29
STEENBOK
21 DES – 20 JAN Jy is pragmaties en ’n realis, maar span ’n slag jou verbeelding in. Die tyd is geleë om kreatiewe talente te ontwikkel; skryf dus in vir kunsklasse, waag jou hand aan pottebakkery of leer houtsneewerk doen. Al is dit dalk vir eers net ’n skeppende tydverdryf waarmee jy kan ontspan, kan ’n stokperdjie in ’n ernstige, winsgewende onderneming ontwikkel. GELUKKIGE NOMMERS 3, 32, 39, 4, 44, 27
WATERDRAER
21 JAN – 18 FEB Dié week is jou hart waar jou huis is. Of jy nou vriende wil oornooi vir ’n makietie of verkies om alleen te ontspan, jy sal waarskynlik tuis op jou gelukkigste wees. Dit is ook ’n goeie week vir instandhoudingstake in en om jou woonplek. Jy wil dalk die binnenshuise versiering opknap. As jy nie self handig is nie, kan jy altyd kenners kry om jou te help. GELUKKIGE NOMMERS 14, 15, 51, 38, 45, 50
VISSE
19 FEB – 20 MAR As jy ’n tipiese Vis is, neig jy dalk om ’n dromer te wees, ’n kenmerk wat tans versterk word, ten goede of ten kwade. Al is dit ’n week waarin jy jou verbeelding kan inspan vir kreatiewe aktiwiteite soos musiek, poësie en kuns, kan daar ook slaggate wees. Idealisering in jou liefdeslewe kan jou hart breek en geldskemas kan jou platsak laat. Hou jou oë wawyd oop. GELUKKIGE NOMMERS 40, 48, 5, 29, 30, 22
RAM
21 MRT – 19 APR As ’n Ram is jy dalk vinnig uit die wegspringblokke en altyd reg vir aksie. Aangesien dit ’n week is waarin rusteloosheid ongewenste veranderings kan meebring, is dit raadsaam om oorhaastige gedrag te temper. Die strewe na nuwe ervarings kan sterk wees, maar jy kan tot ongelukke geneig wees. Vermy dus waaghalsige aktiwiteite. GELUKKIGE NOMMERS 27, 17, 9, 21, 7, 1