SABLÉS (FRANSE BROSBROODKOEKIES)
“Ek is lief vir droëkoekies, veral brosbrood, dalk omdat dit so baie botter bevat. Die byvoeg van growwe sout maak dit onweerstaanbaar.” LEWER 100 KLEIN KOEKIES BEREIDING: SOWAT 50 MIN. RUS: 1 UUR BAK: 17 MIN. ¼ vanieljepeul 405 ml (1½ k + 2 e) ongesoute botter, teen kamertemperatuur 430 ml (1¾ k) versiersuiker 6,25 ml (1¼ t) growwe woestynsout 4 x 250 ml (4 k) koekmeel 250 ml (1 k) amandelmeel 1 of 2 geklitste eiers, vir eiersmeersel soos nodig KAKAOSUIKER 80 ml ( k) witsuiker 30 ml (2 e) kakao 1 Skraap die saad van die vanieljepeul in die bak van ’n elektriese menger uit en voeg die botter, versiersuiker en sout by. 2 Gebruik die spaanhegstuk en verroom die mengsel sowat 10 min. op lae tot matige spoed. Die mengsel behoort ’n ligte kleur en ’n gladde tekstuur te hê. 3 Sif albei meelsoorte en meng dit sowat 1 min. op lae spoed by die bottermengsel in. 4 Keer die deeg op ’n skoon werkoppervlak uit en druk plat om ’n growwe vierkant te vorm. 5 Rol die deeg uit tot 2,5 cm dik en vorm in ’n volmaakte vierkant van 21 x 21 cm. Maak met kleefplastiek toe en verkoel sowat ’n uur in die yskas. Voorverhit die oond tot 160 ˚C. 6 Haal die deeg uit die yskas, verwyder die kleefplastiek en sny die vierkant in 8 stafies van sowat 2,5 cm breed. 7 Gebruik ’n deegkwas en verf elke staaf alkante met die eiersmeersel.
8 Kakaosuiker Meng die suiker en kakao goed. Strooi die kakaosuiker in ’n dun laag oor jou werkoppervlak en rol elke staaf in die suiker terwyl jy dit liggies platdruk om te sorg dat dit alkante vaskleef. (In hierdie stadium kan jy die helfte van die stawe in plastiek toedraai en dit vir ’n ander dag vries.) 9 Sny die stawe in 2,5 cmvierkante en pak dit op ’n bakplaat uit wat met ’n silikoonvel of bakpapier uitgevoer is. Bak sowat 17 min. en draai die plate halfpad deur om sodat dit egalig bak.
WENK
Dié deeg sal sowat ses maande in die vrieskas behoue bly as dit styf in kleefplastiek toegedraai is. Wanneer jy dit wil bak, ontvries die koekiedeeg ’n uur in die yskas, sny dit in vierkante en bak.