MARIANNE SE MIELIEBROOD

Marianne, my vriendin wat nooit ’n woord praat nie, hou van enigiets wat met mielies gemaak word, en dié heerlike mieliebrood is die heel beste. Sy voeg haar eie spesiale kinkel by, en ek moet bieg: Dit is heerlik. Ek hou daarvan om dit warm te eet met ’n bietjie gesmelte botter daarby. Dis njam! LEWER 1 BROOD BEREIDING: 15 MIN. BAK: 35 MIN.

MAKLIK VEGETARIES KINDERVRIENDELIK

125 ml (½ k) mieliemeel 375 ml (1½ k) meel 30 ml (2 e) suiker 5 ml (1 t) borrie 15 ml (1 e) bakpoeier 2,5 ml (½ t) sout 45 ml (3 e) botter, gesmelt 2 eiers, geklits 250 ml (1 k) groente- of sonneblomolie 310 ml (1¼ k) melk 400 g romerige soetmielies 3 stingeluie, fyngekap Voorverhit die oond tot 180 ºC. Smeer ’n broodpan. 1 Meng die mieliemeel, meel, suiker, borrie, bakpoeier en sout in ’n bak. 2 Meng die botter, eiers, olie, melk, soetmielies en stingeluie in ’n aparte bak. 3 Meng die twee en skep in die gesmeerde pan. 4 Bak 35 min.