DVD
MY BLIND BROTHER
Komediedrama. Bill (Nick Kroll) leef in die skadu van sy blinde broer, Robbie (Adam Scott), ’n plaaslike held en verteenwoordiger vir siggestremdes. Die spanning loop hoog toe hulle op dieselfde vrou (Jenny Slate) verlief raak.
Dié fliek word gedra deur akteurs wat selde ’n kans kry om hoofrolle te vertolk. My Blind Brother se sterk punt is ’n verhaal wat natuurlik vloei en nie op ’n knal of fluistering staatmaak nie. Tonele voel nie oorbeplan nie en wek die indruk dat die gehoor bloot ’n kykie in regte mense se lewe kry. Die storie het diepte, keer stereotipes oor gestremdheid op hul kop en laat jou soms lag. – FRANCO HAVENGA 2016. 82 MIN. 16DTVS.