Andries se dogtertjie 1 jaar oud
Die Lions-slot Andries Ferreira en vroulief Inette se jongste dogtertjie, Lea, het onlangs haar eerste verjaardag gevier.
“Lea het die dag gate uit geniet,” vertel haar trotse pa oor die spesiale dag wat by ’n onthaalplek in Pretoria gehou is. “Die hoogtepunt was toe almal om die
tafel bymekaarkom om tuisgemaakte koekies te versier,” vertel Inette.
Van Andries se Lions-spanmaats soos Franco Mostert en Ruan Dreyer het ook saamgekuier. “Ons kry nie altyd tyd saam weg van die rugbyveld nie, so dit was ’n seën om almal daar te hê,” sê Andries.
Lea se ousus, Miané (2), het heerlik saambaljaar.