7de Laan se nuwe tuiste
Dit lyk soos ’n huis wat van hoek tot kant blinkgepoets is. Maar 7de Laan se ateljees het nie net ’n skoonmaaksessie agter die blad nie. Die span van een van Suid-Afrika se gewildste sepies het onlangs na nuwe ateljees in Johannesburg getrek. Sasani Studios, waar sepies soos Isidingo en Rhythm City ook gemaak word, is die nuwe tuiste van die Laan se inwoners.
Maar al is alles nuut, sal kykers geen verskil agterkom nie – buiten dat die sepie nou in hoëresolusie uitgesaai word. “Elke stel lyk nog presies dieselfde,” sê Rosa-Mari.