Hulle het ook ’n gewone werk
VANILLA ICE
Ná sy loopbaan as rapper het Vanilla Ice (50) by die eiendomsbedryf betrokke geraak en in huisverbetering gespesialiseer. Die rapper, wie se regte naam Robert van Winkle is, het ’n program met die titel The Vanilla Ice Project aangebied, wat op The DIY Network uitgesaai is.
FREDDIE PRINZE JR.
Die voormalige akteur Freddie Prinze jr. (41) het in 2016 ’n kookboek, Back to the Kitchen, uitgereik en werk nou as ’n sjef. “My ma het haar lewe lank in restaurante gewerk,” verduidelik hy sy liefde vir kook en voeg by hy het kleintyd baie lewenslesse “voor ’n stoof geleer”.
KEVIN JONAS
Terwyl sy broers Nick (25) en Joe Jonas (29) steeds soete musiek maak, is Kevin Jonas (30) deesdae ’n gesinsman. Die oudste Jonas-broer werk nou as ’n kontrakteur in New Jersey, waar hy die mede-eienaar van JonasWerner Homes is, ’n onderneming wat huise bou.