Die fyn kuns van poeier en sponse

Ons help jou die beste poeiers vir jou velsoort kies en ook die regte sponsies vir netjiese aanwending

Los poeier

Dit word van besonder fyn, los poeierdeeltjies gemaak en word al eeue lank gebruik. Mense met ’n olierige vel trek voordeel uit dié soort poeier, want dit absorbeer olie, hou langer as dié in ’n poeierdosie en kan in lae aangewend word om probleme te verbloem.

Saamgeperste poeier

Die poeier is basies los poeier wat saamgepers is. Maar los poeier en saamgeperste poeier dien elk ’n verskillende doel. Saamgeperste poeier kan alleen gebruik word, vergeleke met los poeier wat jy saam met onderlaag gebruik. Dit kan ook bedekking bied as jou vel gepigmenteer is. Dit is ideaal vir mense met ’n kombinasievel, want dit sal nie jou vel uitdroog nie.