Timothy de Monk: Die Kaapse sanger met die goue stem
Hy’t in matriek ’n platekontrak losgeslaan. Nou is dié seun met die goue stem ’n onafhanklike musikant en sy nuwe uwe enkelsnit,kes enkelsnit, No Stres s Moment, kookwater
Familie-affêre
Timothy (20) was in 2013 in gr. 9 toe hy en sy neef Quinton de Monk (34) op’ n familie geleentheid begin musiek maak. “My neef het kitaar gespeel en ek het gesing.” Timothy het summier ook sy heel eerste kitaarles by Quinton gekry. “Ek het net gedink dit sou ongelooflik wees om albei (sing en kitaar speel) te kan doen,” sê Timothy, wat op Stellenbosch gebore is en nou in Pinelands, Kaapstad, woon.
Dromer
Sy liefde vir musiek kom van die liedjies waarna hy as kind geluister het. “Ek het altyd uitgezone wanneer ek my oorfone aanhet.” In 2014 het hy begin om sy eie liedjies te skryf. ’n Jaar later, in gr. 11, het hy sy eerste EP, Hazy Days, tydens die Junie-skoolvakansie opgeneem. “My ma, Jennifer (51), het die snit na verskillende platemaatskappye gestuur.” In November daardie jaar het David Gresham Records hom gekontak en wou hulle die sanger “met die goue stem” ontmoet. Drie maande later, tydens sy matriekjaar aan die Hoërskool Pinelands, het hy ’n kontrak met dié platemaatskappy gesluit.
Onafhanklik
Einde 2017 het Timothy besluit om sy musiek onafhanklik uit te reik. “Dit is vir my belangrik om my eie musiekstyl te skep en volle beheer oor my musiekloopbaan te hê,” sê hy. Hy het reeds vier enkelsnitte, Everyday, Start a Fire, On Our Own en I Never Want to See Her, deur sy vorige platemaatskappy uitgereik. Sy debuutsnit, Everyday, het ’n allemintige 18 weke lank op die 5FMtop-10-poptrefferlys geboer.
Enkelsnit
In Junie vanjaar het hy sy eerste onafhanklike enkelsnit, No Stress Moment, uitgereik. Dié liedjie kom nadat hy stres ervaar het weens ’n vorige verhouding, sowel as die onsekerheid oor “hoe goed ek sal doen as ’n onafhanklike sanger in die musiekbedryf – dít nadat ek by ’n internasionaal gerekende platemaatskappy was.”
Toekomsplanne
Timothy werk tans aan sy debuutalbum, wat in Oktober uitgereik word. Die Kaapse sanger skiet ook aan die musiekvideo vir No Stress Moment.
Wanneer hy nie musiek maak nie, sweet hy in die gimnasium. Hy’s ook lief vir lees. “En ek geniet ’n goeie maaltyd saam met my vriende by ’n goeie restaurant.” Hy is tans nog enkellopend. “Ek soek iemand wat eerlik en getrou is en ’n goeie humorsin het.”