JOU STERRE
WEEGSKAAL 23 SEP – 22 OKT Dis weer tyd om doelwitte en mikpunte te stel
Die son beweeg dié week jou teken binne, wat beteken dit is binnekort tyd om jou verjaardag te vier en ’n nuwe persoonlike jaar aan te pak. Jy wil dalk jou vriende vir ’n partytjie nooi of saam met jou maat vir ’n vreedsame naweek vir twee ontsnap. Dit is ook ’n goeie tyd om oogmerke en doelwitte vir die volgende jaar te stel, insluitend persoonlike begeertes, beroepsdoelwitte, wenslysies en leefstylmikpunte. GELUKKIGE NOMMERS 51, 7, 3, 44, 36, 45
SKERPIOEN
23 OKT – 21 NOV Dis ’n week waarin die groenoogmonster verwoesting in jou lewe kan saai, met jou aan die ontvangkant of as die skuldige. Of wantroue onenigheid in jou liefdeslewe veroorsaak, agterdog ’n vriendskap laat versuur of wedywering met een van jou sibbes ’n negatiewe atmosfeer skep, dit kan ’n tyd van kwade gevoelens wees. Op ’n positiewer noot is dit ’n goeie week om jou passie in kunssinnige en kreatiewe aktiwiteite te stort. GELUKKIGE NOMMERS 25, 4, 2, 50, 21, 15
BOOGSKUTTER
22 NOV – 20 DES As jy ’n tipiese Boogskutter is, trap jy dalk soms ’n stel af, en taktlose woorde kan in die proses vernedering veroorsaak. Dis ’n week om jou sorgelose optrede in te perk en moeite te doen om te sê wat jy bedoel en te bedoel wat jy sê, anders kan jy in die verleentheid kom. Of jy nou met mense in jou beroepslewe omgaan of saam met vriende of familie kuier, tel jou woorde versigtig. GELUKKIGE NOMMERS 30, 31, 26, 19, 24, 51
STEENBOK
21 DES – 20 JAN Die son beweeg jou beroepshoroskoop binne, so reg in die kraal van ’n ambisieuse Steenbok. Dis ’n goeie tyd om teen die suksesleer te vorder, of jy ’n bevordering nastreef, jou stand in die samelewing verbeter of ’n loopbaandoelwit najaag. Dis ’n tyd waarin jy gedrewe voel en min jou terughou. Selfdissipline en volharding sal jou goed te pas kom. GELUKKIGE NOMMERS 8, 29, 23, 22, 11, 46
WATERDRAER
21 JAN – 18 FEB Die son en Mercurius beweeg ’n medelugteken binne. Dit behoort jou gemaklik daarmee te laat voel om jouself uit te druk. Dis ’n goeie tyd om jou kreatiewe kant na vore te laat kom, of jy nou iets buitengewoons wil ontwerp, ’n nuwe toestel skep of ’n boek neerpen. Met dié dat Mars nou jou teken bewoon, sal jy oorgenoeg kan fokus. GELUKKIGE NOMMERS 18, 52, 48, 33, 49, 12
VISSE
19 FEB – 20 MRT As jy ’n tipiese Vis is, hou jy daarvan om sorgeloos te wees en het jy ’n afkeer daarvan om aan beperkings te voldoen of reëls te gehoorsaam. Maar dit is ’n week waarin regulasies en stremming dalk onafwendbaar is. Of jy aan ’n werkprogram moet voldoen, die reëlboek by die skool volg of jou aan ’n gesagsfiguur moet onderwerp, jou styl kan ingeperk word. GELUKKIGE NOMMERS 47, 14, 9, 42, 41, 13
RAM
21 MAR – 19 APR Mercurius, die meester van die tong, beweeg dié week jou liefdeshoroskoop binne, ten goede of kwade. Aan die positiewe kant kan dit vir interessante en lewendige gesprekke met jou maat sorg. Dis ’n goeie tyd om griewe te lug, geldsake te bespreek en oor jul planne vir die toekoms te praat. Maar dit is ook ’n tyd om ’n wag voor jou mond te plaas. GELUKKIGE NOMMERS 24, 20, 1, 52, 38, 50
BUL
20 APR – 20 MEI Die kans is goed dat jy daarvan hou om jou met lekker dinge soos goeie kos en wyn te bederf. Maar dit is ’n week waarin jy jou gesondheid ’n prioriteit moet maak. Minder eet behoort jou figuur vietser te maak en jou sak te laat bult, ’n bonus vir ’n geldbewuste Bul. Meer stap en minder ry is ook ’n gesonde manier om brandstof te bespaar. GELUKKIGE NOMMERS 39, 11, 34, 28, 35, 10
TWEELING
21 MEI – 20 JUN Jou planeet, Mercurius, beweeg dié week ’n medelugteken binne. Dit behoort jou op jou gemak te laat voel om in die sosiale arena te beweeg. Of jy saam met jou vriende kuier of ’n geleentheid bywoon, dit behoort maklik te wees om met ander te meng. Aangesien jou kommunikasievaardigheid ook versterk word, kan woorde van jou tong af rol. GELUKKIGE NOMMERS 10, 37, 12, 15, 6, 44
KREEF
21 JUN – 21 JUL Die son beweeg jou horoskoop van huis en haard binne om jou gesinslewe op te helder. Dit behoort goeie nuus vir ’n gesinsgerigte Kreef te wees wat graag tyd saam met geliefdes deurbring. Terwyl jy daarvan hou om jou gesin te versorg, lyk dit na ’n week waarin jy ietwat streng sal moet wees. Hulle kan maklik jou koesterende geaardheid misbruik. GELUKKIGE NOMMERS 32, 40, 13, 5, 17, 52
LEEU
22 JUL – 22 AUG Mense en/of omstandighede kan jou geesdrif verydel en jou pret bederf. Jou ywer kan ’n knou kry, of ’n pessimis jou gretigheid demp om ’n doel te bereik, werkverpligtings met jou ontspanningstyd inmeng of reëls en regulasies jou vordering belemmer. Moenie moed verloor nie, want dit is ’n verbygaande fase en jy sal binnekort weer terugwip. GELUKKIGE NOMMERS 16, 43, 46, 35, 51, 7
MAAGD
23 AUG – 22 SEP Die son en jou planeet, Mercurius, beweeg jou finansiële horoskoop binne. Dit is die ideale tyd om jou geld goed in te span. Jy moet dalk ontspanningsaktiwiteite inperk, maar die bevrediging daarvan om ’n neseier te skep kan daarvoor vergoed. As ’n verstandige en praktiese Maagd kan jy waarskynlik aan baie maniere dink om ’n rand of twee te spaar. GELUKKIGE NOMMERS 27, 17, 6, 41, 50, 3