AMARULA-EN-KANEEL-DON PEDRO
Ons maak dié alkoholiese melkskommel met Amarula, kaneel en karamelsous. Sit dit voor as ’n koue poeding. GENOEG VIR 6 MENSE BEREIDING: 10 MIN. GAARMAAK: 5-10 MIN. KARAMELSOUS 50 g botter 125 ml (½ k) ligbruinsuiker 125 ml (½ k) room 5 ml (1 t) vanielje ’n knippie sout MELKSKOMMEL 500 ml (2 k) roomys 250 ml (1 k) melk 5 ml (1 t) fyn kaneel 60 ml (¼ k) Amarula, opsioneel VIR AFRONDING
ekstra kaneel 1 Karamelsous Smelt die botter in ’n kastrol. Voeg die bruinsuiker en room by die botter; roer aanhoudend oor matige
hitte tot die suiker gesmelt is. 2 Bring die sous tot kookpunt en laat 5 min. stadig prut. Verwyder van die hitte en roer die vanielje en sout by. Hou eenkant tot afgekoel.
3 Melkskommel Plaas die roomys, melk en kaneel in ’n diep bak. Pols fyn met ’n staafmenger en voeg die Amarula by, indien gebruik. Pols tot goed gemeng. 4 Versoet die melkskommel met die karamelsous soos verkies. 5 Vir afronding Verdeel die melkskommel tussen 6 klein bekers. Sprinkel ekstra kaneel oor en sit onmiddellik voor.