Hou jou troeteldier viets en fiks

Vetsug by troeteldiere is aan die toeneem. Hier is raad om jou troeteldier viets, fiks en gesond te hou

IS JY skuldig daaraan om vir jou hond of kat ’n smaaklike teetydhappie of dalk ’n skelm brokkie onder die etenstafel te voer? Hoewel jou troeteldier sekerlik vir jou lief sal wees, bewys jy sy gesondheid geen guns nie. Vetsug onder troeteldiere is ’n toenemende probleem en veroorsaak ’n heles pul ernstige gesondheidsprobleme. Trouens, selfs ’n klein hoeveelheid ekstra gewig kan groot stremming op ’n dier se gewrigte, asemhaling-en sirkulasie stelsel plaas.

Oktober is Troeteldiervetsug maand in SuidAfrika, en veearts elandwyd bied gratis gewig sevaluerings en raad. Jy kan ook self ’n ondersoek by die huis doen.

GESONDHEIDSGEVARE

’n Oorgewig troeteldier loop ’n veel groter risiko vir siekte, sê suster Cindy du Preez van die Bakenkop-dierekliniek in Centurion. “Wanneer troeteldiere oorgewig is, veroorsaak die toename in vetweefsel algemene inflammasie in die liggaam. Dit kan baie probleme veroorsaak, ondermeer vel-en urien wegkwessies .” Nog gesondheidsgevare sluit asemhalings-, gewrigs- en rugprobleme, diabetes, hartsiektes, ’n groter narkoserisiko en ’n swak immuunstelsel in.

WAT MOET JY DOEN?

Die eerste ding wat ’n eienaar moet doen, is om sy mollige maat op ’n verslankingsprogram te sit, sê Cindy. “Praat met ’n veearts of vra raad by ’n dierekliniek oor die gepaste dieet en wanneer om gereelde weegsessies te skeduleer. Om die dier vir ’n program in te skryf, kan eienaars gemotiveer en doelgerig hou.” Die volgende stap is oefening. “Net soos by mense is dit ’n belangrike aspek van enige gewigsverl iesprogram,” sê die Johannesburgse veearts dr. Guy Fyvie. “Baie troeteldiereienaars meen as hulle ’n groot genoeg werf of veelvuldige troeteldiere het, sal hul diere aktief bly, maar dit is nie altyd die geval nie. As jy nie gereeld met jou troeteldier kan gaan stap nie, oorweeg dit om ’n hondestapper te kry.” Speletjies is nog ’n moontlikheid. “Om ’n bal of speelding te vang is goeie oefening vir jou hond. Gebruik steiltes of trappe vir ’n groter uitdaging.”

Wees op die uitkyk na speelgoed wat aktiewe spel by katte aanmoedig. “Jy kan jou kat ook op nuwe plekke probeer voer en hom vir sy kos laat ‘jag’,” sê Guy.

KOSREËLS

Dit is belangrik dat troeteldiere se kos vir hul ouderdom, grootte en leefstyl geskik is. Vra jou veearts se raad. “Een grootte pas nie almal nie,” sê Guy.

Verhoed dat jou dier die vetjies aanpak deur die volgende reëls te volg:

Geen tafeloorskiet of menselekkernye nie. Dit bevat gewoonlik baie vet, suiker of sout, is voedselkundig ongebalanseerd vir diere en kan tot fiemies en bedel lei.

Moenie kos laat rondstaan nie. Veral honde haal soms skelmstreke uit. Party maak selfs yskaste oop.

Moenie vir troeteldiere ’n dieet met baie vet of energie voer as hulle min oefening kry nie.

Meet die kos af; moenie “’n bietjie byvoeg” omdat jy jou vierpootvriend jammer kry nie.