Swanger Pippa straal op seevakansie
Hulle noem dit ’n ‘babymoon’ – ’n wegbreek voor die baba kom – en Pippa Middleton het behoorlik gestraal
BOEPIE en al baljaar sy in haar bikini. Soos haar wêreldberoemde ousus blom sy behoorlik teen die einde van haar swangerskap.
Vir gewone sterflinge beteken die laaste paar weke voor ’n spruit se koms gewoonlik geswolle voete en ekstra vetjies, maar dit lyk asof Pippa Middleton (33) nie met dié lastighede sukkel nie. Trouens, sy lyk so viets soos voor haar swangerskap. Net die magie verklap haar eersteling word binnekort verwag.
Ousus Kate (36) het telkens in die laaste trimester pragtig en stylvol gelyk toe sy haar en prins William (36) se drie kinders verwag het, en dit lyk asof Pippa ewe gemaklik dra aan die nuwe nefie of niggie van die koninklike spruite.
Natuurlik het die sondeurdrenkte “babawittebrood” in Toskane, Italië, saam met haar man, James Matthews (43), ’n skatryk sakeman, sommer baie bygedra tot die fyngeboude Pippa se besonderse gloed.
Die egpaar het drie dae by die Il Pellicano-boetiekhotel deurgebring. Die vyfsterhotel, met ’n uitsig op die asemrowende Argentariobaai en turkoois Tirreense See, het sy eie tennisbaan en wynkelder, en bied selfs kooklesse by ’n Michel instersjef aan. Dis geen verrassing gaste dok tot £900 (R18 000) per nag op nie.
Il Pellicano is in 1965 deur ’n afgetrede Britse soldaat en ’n Amerikaanse sosiale vlinder geopen, en die hotel se personeellede is gewoond aan beroemde gesigte. Die weelderige oord het al vir sterre soos die model Kate Moss, die legendariese aktrise Sophia Loren en die voormalige Amerikaanse presidentsvrou Jacqueline Kennedy Onassis gasheer gespeel.
Dit lyk asof Pippa en haar man op hul gemak was in die stylvolle omgewing. Die twee is in Mei verlede jaar getroud en is steeds ooglopend verlief.
“Sy is duidelik salig gelukkig,” het ’n omstander aan die tydskrif Hello! gesê terwyl die paartjie op sonstoele uitgespan en sonskerm aan mekaar se rûe gesmeer het.
OM GEDURENDE ’n Mediterreense wegbreek net luilekker langs die swembad te lê klink vir baie mense na ’n droom, maar die sportiewe paartjie het aktiewer avonture in gedagte gehad. Hotelgaste kan met ’n houtkaai tot op die strand stap en Pippa en James het heelwat tyd in die kristalhelder see deurgebring. Hoewel Pippa haar eersteling in Oktober verwag, het sy woes rondgeplas. Met ’n swembril aan het sy lengtes geswem en net af en toe ’n blaaskans geneem om op haar rug te dryf.
“Sy is ’n goeie swemmer,” het ’n omstander aan Hello! gesê. “Sy het sowat 30 tot 40 m parallel met die strand rugslag geswem.” Swem was vir die fiksheid sbehepte Pippa ’n belangrike uitlaatklep tydens haar swangerskap, want sy moes in dié tyd haar strawwe oefenroetine van vyf dae per week afskaal. “Swem bied ’n wonderlike gevoel van gewigloosheid,”
het h sy aan die begin van haar derde trimester trimes in die tydskrif van die Britse supermark superm Waitrose geskryf.
“Namate die maande verbygaan, voel jy by die dag swaarder, maar in die water kry jy daardie drywende gevoel dat jy ligter as lug is. Dit help om die las van die boepie op jou liggaam te verlig.
“Swem is ’ n teenvoeter vir rugspanning. Dit is gerusstellend om te weet dit is veilig regdeur swangerskap, en jy hoef nie te veel aan te pas nie.” Toe sy uitvind sy is swanger, was dit aanvanklik moeilik om
uit te pluis watter soort oefe- ning sy kon doen, het Pippa al vertel. Dit het haar geïnspireer om die rubriek in die tydskrif te skryf.
“Aangesien dit my eerste swangerskap is, het ek baie onbeantwoorde vrae gehad. Sal ek my te veel inspan as ek in tennis afslaan? Is swemhale veilig? Kan ek steeds normale jogaklasse doen? Kan ek steeds my maagspiere oefen?”
Gelukkig het Pippa nie die ernstige oggendnaarheid ervaar wat Kate in die vroeë stadiums van haar swangerskappe met George (5), Charlotte (3) en Louis (4 maande) laat les opsê het nie. “Ek was gelukkig om die 12-weke-merk verby te steek sonder om aan oggendnaarheid te ly,” het Pippa gesê. “Ek kon soos gewoonlik aangaan.”
Swem was nie die enigste sport wat Pippa tydens haar Italiaanse vakansie geniet het nie. Sy en James is ook gewaar waar hulle per fiets vir middagete na die nabygeleë hawe ry.
Die Middleton- middelkind is ’ n kranige fietsryer en het in 2014 saam met haar broer, James (31), in Amerika aan ’n liefdadigheid s wedren van 4800 km deelgeneem.
Maar noudat sy haar kraamdatum nader, verkies sy om die pas ’n bietjie te verslap. “Hulle het op elektriese fietse gery, want die gebied is taamlik heuwelagtig,” sê die bron. “Ek dink nie sy sou dit andersins baasgeraak het nie.”
PIPPA praat openhartig oor haar voorgeboortelike fiksheid sroetine, maar sy hou die voorbereidings vir haar baba se koms privaat.
Volgens James se broer,
Spencer Matthews (29), weet selfs die verwagtende ouers nie wat die baba se geslag is nie. “Hulle weet nie,” het hy in die Britse geselsprogram This Morning gesê. Hulle is uiters privaat en ons weet eerlikwaar niks.”
Kate en William het voor die koms van hul drie babas ook gekies om die geslag ’n verrassing te hou.
Een ding is gewis: Pippa en James se baba sal nie eensaam grootword nie.
Spencer en die model Vogue Williams (32) het onlangs hul eerste kind, ’n seuntjie, verwelkom, en dié kleintjie en Pippa se spruit sal tydgenote wees. “Ek dink dit sal vir die kinders wonderlik wees om saam groot te word,” het oom Spencer gesê. “Ons voel baie geseën.”
Natuurlik sal Pippa se kleinding ook dikwels op speelafsprake in Kensingt onpaleis by George, Charlotte en Louis gaan kuier.
Sedert William en Kate in 2011 getroud is, bring hull e Kersfees om die beurt by Kensington paleis en die Middletons se Buckleberr ylandgoed deur; vanjaar is dit die Middletons se beurt.
Met ouma Carole (63) en oupa Michael Middleton (69) se kennis van partytjiebe planning en al die koninklike kinders saam op die landgoed in Berkshire, sal baba Matthews se eerste Kersfees ongetwyfeld spesiaal wees.
‘Jy voel by die dag swaarder, maar in die water kry jy daardie gevoel dat jy ligter as lug is’