Rowan Atkinson
Dié geliefde komediant keer terug na die silwerdoek in Johnny English Strikes Again
1 Die Mr. Bean-ster (63) se wortels lê ver van die vermaakbedryf. Hy het saam met twee ouer broers, Rupert en Rodney, op ’ n plaas naby Consett in Noordoos-Engeland grootgeword. Hy was ’n skaam, stil kind en beskryf homself as “introspektief ”.
2 Hy was skoolmaats met die voormalige Britse premier Tony Blair. Die twee het heelwat verskil, sê sy oudskoolhoof. Rowan was “skaam en eenkant” en Blair “besonder spontaan en ’n voorbeeldige leerling wat sy hand vir alles opgesteek het”.
3 Rowan was van jongs af behep met elektriese toestelle en het ná skool elektriese ingenieurswese studeer. Hy het ’n meestersgraad aan die Queen’s College in Oxford behaal.
4 Die idee vir sy beroemde karakter Mr. Bean het op universiteit ontstaan toe hy deel van ’n teatergroep was. Hy het hom aanvanklik Mr. White genoem en toe Mr. Cauliflower voor hy eindelik op Mr. Bean besluit het. Die konsep was “dié van ’n kind wat in ’n volwasse liggaam vasgevang is”, sê hy. “Ek dink mense oor die wêreld heen kan identifiseer met volwassenes wat soos kinders optree.”
5 Sy deurbraakrol was in die komiese BBC-sketsprogram Not the Nine O’Clock News. Hierna het hy die hoofrol vertolk in die legendariese komedie Blackadder, wat van hom ’n bekende naam gemaak het.
6 Hy hakkel al amper sy lewe lank effens. Dit is hoekom hy meestal onderhoude van die hand wys. Mr. Bean praat skaars en Johnny English het ook nie baie dialoog nie.
7 Hy y is ’n n groot James Bondaanhanger en het in 1983 die geleent ntheid heid gekry om ’n ondersteunende nde rol in Never Say Never Again saam met Sean Connery te speel. Hy is bevriend met baie
8 van die Britse koninklikes en was ’n gas op prins William en Kate sowel as prins Charles en Camilla se troue.
9 Rowan is passievol oor motors. Hy het ’n paar Aston Martins en ’n McLaren F1 in sy versameling. Maar moet hom nie ’n Porsche aanbied nie. “Ek voel die tipiese Porsche-persoon is nie my soort mens nie.”
10 Hy is in 2015 ná ’n huwelik van 25 jaar geskei van Sunetra Sastry, by wie hy twee volwasse kinders het. Kort daarna het hy begin uitgaan met die aktrise Louise Ford, wat 29 jaar jonger as hy is. Hy het verlede jaar die derde keer pa geword toe hul dogter gebore is.
‘Jy het nie ’n mooi gesig en heldelyf nodig om suksesvol te wees nie. Wat jy nodig het, is ’n knap brein en die vermoë om op te tree’ – ROWAN ATKINSON