MANGOROOM
Dié pragtige en kleurryke nagereg is ook heerlik, maklik en vinnig. Baie sappige mangovariëteite is beskikbaar, maar vermy veselagtige soorte soos Tommy Atkins.
GENOEG VIR 4-6 BEREIDING: 10 MIN. VERKOEL: 1 UUR
2 groot ryp mango’s 30 ml (2 e) vars uitgedrukte suurlemoensap (of meer, na smaak, as die mango’s baie soet is) 10 ml (2 t) versiersuiker, of na smaak 250 ml (1 k) dik room vars frambose vir bo-op wafelsigare vir voorsit (opsioneel) Skil en sny die mango’s los van die pit; hou ’n halwe mango vir die bolaag. Kap die res van die mango grof en plaas dit in ’n voedselverwerker saam met die suurlemoensap. Verwerk tot glad. Voeg die versiersuiker en room by en meng 1 min. Giet die mengsel in ’n opdienbak of individuele glase. Sny die oorblywende mango in blokkies en strooi dit oor die mangoroom. Pak ’n paar frambose bo-op en plaas in die yskas tot jy dit wil voorsit. Sit dit voor saam met die wafelsigare, indien gebruik.