HG Wen ’n welverdiende salonpakket!

Aandag, alle Getroud met Rugby-aanhangers – skryf nou in om salonskoonheidsbehandelings ter waarde van R4 200 te wen

DIE pragtige Strydervroue van Getroud met Rugby geniet ’n glansryke lewe in die kollig terwyl hulle soms die slinkse spel agter die wedstryd speel. Kykers van dié kykNET-sepie weet alte goed die Strydervroue se verhoudings en vriendskappe is vir hulle belangrik terwyl hulle ook woeker en suksesvolle sakeondernemings bestuur.

Binnekort maak Bibi en Maryke die deur van hul eie Dis-Chem Skin Strategy Beauty Salon oop, ’n uitbreiding van hul salon Bibi’s, waarvan hulle mede-eienaars is. Die nuwe salon bied ’n reeks skoonheidsbehandelings. By Dis-Chem Skin Strategy Beauty-salonne kan kliënte alles van verslanking, gesigsbehandelings, waks, masseerbehandelings en naelaanwendings geniet. Bibi en Maryke is opgewonde oor die nuwe omskepping en om deel van die DisChem-handelsmerk te wees.

Deel in die pret. Kyk Getroud met Rugby weekdae om 21:00 op kykNET (DStv-kanaal 144). Die nuwe salon word amptelik op Vrydag 2 November bekendgestel.