Haar lewe ’n lied

Ariana Grande hou nie terug nie. Nie oor haar komedianteks, Pete Davidson – of eintlik enige van haar ekse – nie. Die 25-jarige sangeres het blykbaar na haar eksverloofde gekap nadat hy in ’n onlangse episode van Saturday Night Live oor hul warrelwindverlowing gespot het.

Maar die God Is a Womansangeres het nie by die steke in die sosiale media opgehou nie en later ’n liedjie uitgereik waarin al haar onlangse ekse op die naam genoem word.

In dié uitmaaklied met die titel Thank U, Next bedank Ariana Pete (24), asook haar ander ekse, die rappers Big Sean (30) en wyle Mac Miller (26) en die danser Ricky Alvarez (26), vir die lesse wat hul verhoudings haar geleer het. BRONNE: USMAGAZINE.COM, EONLINE. COM, PEOPLE.COM