SO IS HULLE VERMOOR

Joy Boonzaier (63)

word op 26 Julie 2012 in haar huis in ’n sekuriteitskompleks in Centurion met ’n mes doodgesteek.

Natacha BBurger (33),

Joy se buurvrou, word in dieselfde voorval vermoor; sy is ook oorval en met ’n mes doodgesteek.

Past. Reginald Bendixen (75)

word op 13 Augustus 2012 buite sy Honeydew-huis met ’n byl gekap en met ’n mes doodgesteek.

Mikeila Valentine (25)

word op 4 Oktober 2012 in haar en haar man, Zak, se meenthuis in Honeydew met ’n mes doodgesteek.

Peter Meyer (52)

word op 27 November 2015 in sy spoghuis in Noordheuwel, Krugersdorp, met ’n mes doodgesteek.

Joan Meyer (48),

Peter se vrou, word saam met hom by hul huis in Krugersdorp vermoor; sy is ook met ’n mes doodgesteek.

Jarod Jackson (41)

is op 16 Desember 2015 met 20 slaappille in vrugtesap bedwelm, toe verwurg en daarna in ’n motor naby Petrus Steyn verbrand.

Glen McGregor (57),

’n belastingadviseur van Krugersdorp, word in Januarie 2016 met ’n .22-rewolwer op sy hoewe in Randfontein geskiet en daarna verwurg.

Anthony Scholefield (64),

’n versekeringsmakelaar van Krugersdorp, se lyk word op 10 Mei 2016 in die kattebak van sy motor aangetref. Hy is in Marinda Steyn se woonstel met ’n tou verwurg.

Kevin McAlpine (29),

ook ’n versekeringsmakelaar, se lyk word op 26 Mei 2016 in sy motor se kattebak gekry nadat hy ook in Marinda se woonstel met ’n tou verwurg is.

Hanlé Lategan (52),

’n eiendomsagent, se lyk word op 30 Mei 2016 by ’n stroom buite Randfontein gekry. Sy is ook in Marinda se woonstel met ’n tou verwurg.