KUBAANSE HOENDERSTOWE

Geurige speserye, soetrissies en gekapte tamaties maak dié gereg ekstra lekker.

GENOEG VIR 4-6 MENSE BEREIDING: 15 MIN. GAARMAAK: 1 UUR

HOENDER 6-8 hoenderporsies sout en vars gemaalde peper 10 ml (2 t) fyn komyn 2,5 ml (½ t) elk fyn kaneel en cayennepeper 5 ml (1 t) origanum STOWE 750 g baba-aartappels 1 rooi soetrissie, in repe gesny 1 geel soetrissie, in repe gesny 1 ui, in skywe gesny 2 knoffelhuisies, fyngedruk 1 x 410 g-blik gekapte tamaties sap van 1 lemmetjie sap van 1 lemoen 250 ml (1 k) hoenderaftreksel 15 ml (1 e) olyfolie VIR VOORSIT vars koljanderblare rys indien verkies Voorverhit die oond tot 180 °C. Hou ’n groot, diep oondbak byderhand.

1 Hoender Geur die hoenderporsies oraloor met die sout en vars gemaalde peper. Meng die res van die speserye goed en vryf oor die hoender.

2 Stowe Voeg al die bestanddele buiten die hoender in die oondbak. Meng goed en pak die hoender tussen die groente. Drup die olyfolie oor en bedek met foelie. Bak die hoender 45 min. 3 Verhoog die oondtemperatuur tot 200 °C. Haal die foelie af en bak nog 15 min. of tot die hoender goudbruin is.

4 Vir voorsit Sprinkel die koljander oor die stowe en sit net so voor of saam met rys of slaai.