DIE SENSUS VAN 2011
Die sensusopname van 2011 is deur Statistieke Suid-Afrika gedoen. Dit is ’n groot onderneming om miljoene mense te tel. Suid-Afrika het sowat 120 000 veldwerkers, geklee in kenmerkende geel beffies, gebruik om landwyd met hul sensusvorms by elke huishouding uit te kom. Dit het hulle vyf weke geneem om die inligting te bekom.
Nadat die sowat 15 miljoen sensusvorms teruggekry is, het Statistieke Suid-Afrika die data (inligting) in Januarie 2012 begin verwerk. Die eerste statistiese verslae is eers in Oktober 2012 bekendgemaak.