ONMIN OOR OU­MA SE OOGAPPEL

Huisgenoot - - Raad -

Ons het vyf kin­ders, al­mal on­der 10 jaar oud, maar my skoon­ou­ers tree op as­of ons net een kind het.

Hul­le trek ons ses­ja­ri­ge ver­skrik­lik voor en skeep die res van hul klein­kin­ders af.

Ek en my man het al met hul­le daar­oor ge­praat dat hul­le van hom ’n wit­brood­jie maak, maar hul­le steur hul­le nie aan ons nie.

Hul­le steek my seun teen my op en neem hom vir na­we­ke weg son­der my toe­stem­ming. On­langs het hul­le boon­op my man teen my be­gin draai.

Die twee hou glad nie van hul an­der skoon­dog­ters nie, maar my man se broers laat nie toe dat hul vroue so sleg be­han­del word nie.

Wan­neer ek die si­tu­a­sie met my man wil be­spreek, ont­aard dit in ’n ba­klei­e­ry.

ML op FG

Jou skoon­ou­ers be­wys hul wit­brood­jie geen guns nie. Hul ge­drag kan daar­toe lei dat so ’n kind wan­aan­ge­pas is en hom­self la­ter in die le­we te veel wil toe-ei­en.

Jou an­der vier kin­ders is g’n twee­de­klas­ge­sins­le­de nie en jy nog min­der.

Dit is ’n on­uit­houd­ba­re si­tu­a­sie en sal nie ver­an­der tot jy streng per­ke be­gin stel nie.

Be­perk jou skoon­ou­ers se toe­gang tot jul huis deur ge­sins­tyd voor­op te stel.

Sê by­voor­beeld Son­dae is die dag wat jul­le al­leen as ’n ge­sin tyd saam deur­bring, en ook as die he­le ge­sin nie saam by ou­pa en ou­ma gaan kui­er nie, gaan nie­mand.

As jou man nie wil saam­werk nie, kan jy ge­rus by sy broers om hulp aan­klop. Vra hul­le om een aand om ’n braai­vleis­vuur ter­loops met hom te ge­sels oor die pro­ble­me wat hul vroue met hul ou­ers er­vaar en hoe hul­le daar­mee klaar­speel.

Newspapers in Afrikaans

Newspapers from South Africa

© PressReader. All rights reserved.