Elton verlang steeds na Freddie
Elton John het aan die “folterende” laaste maande van Freddie Mercury se lewe en sy eerste Kersfees sonder hom teruggedink in ’n uittreksel uit sy 2013-boek, Love Is the Cure: On Life, Loss and the End of AIDS, wat onlangs weer opgediep is.
Elton (71) skryf dit was ondraaglik om Freddie in die laaste jare van sy lewe te sien agteruitgaan en voeg by sy liggaam was met Kaposi-sarkoomletsels oortrek. “Hy was byna blind. Hy was te swak om eens te staan.
“Na regte moes Freddie die laaste dae net oor sy eie gemak besorg gewees het. Maar dit is nie wie hy is nie. Op Kersdag het ek gehoor Freddie het vir my ’n laaste blyk van sy onbaatsugtigheid agtergelaat,” skryf die Rocketmansanger oor sy vriend wat in November 1991 oorlede is.
“Ek slof mistroostig rond toe ’n vriend by my deur opdaag en vir my iets oorhandig wat in ’n kussingsloop toegedraai is. Ek k maak dit oop, en binne is ’n skildery deur een van my gunstelingkunste- gkunstenaars, die Britse skilder Henry Scott Tuke. Met ’n briefie van Freddie aan die voorkant.
“Jare tevore het ek en Freddie troetelname vir mekaar gehad – ons fopdosser-alter ego’s. Ek was Sharon en hy was Melina. lina. Freddie se briefie lui: ‘Liewe Sharon, ek het gedink jy sal hiervan hou. Liefde, Melina. Geseënde Kersfees.’ ”