Visbraai vir die vakansie
Hier’s ’n visbraaispyskaart wat jy gerus in die binneland ook kan maak – vis en ’n seekospot met die lekkerste bykos en vir agterna suurlemoentert
VIS MET BASILIEBOTTER EN TAMATIESALSA
Die basiliebotter het ’n lekker byt en die tamatiesalsa is heerlik vars saam met die vis.
GENOEG VIR 6 MENSE BEREIDING: 20 MIN. GAARMAAK: 15-20 MIN. (AFHANGEND VAN HOE DIK DIE VIS IS)
BASILIEBOTTER 20 g basilieblare, geskeur 100 g brandrissies, fyngesny 3 cm-stuk gemmerwortel, geskil en in stukke gekap sowat 6-8 knoffelhuisies, geskil en gekap 250 g botter sap en skil van 1 suurlemoen ’n knippie sout en swartpeper TAMATIESALSA 30 ml (2 e) olyfolie 1 rooi-ui, gekap 4 knoffelhuisies, gekap 375 ml (1½ k) verskeidenheid babatamaties, gehalveer sout en peper ’n hand vol vars koljanderblare, gekap VIS 1 groot heel vis (geelstert of snoek), skoongemaak en gevlek (behou stert) sout en peper VOORSIT
ekstra skyfies suurlemoen
1 Basiliebotter Kap al die bestanddele buiten die botter in die voedselverwerker fyn. Voeg die botter by en meng goed. Rol in ’n rolletjie en vries.
2 Tamatiesalsa Meng al die bestanddele en plaas in ’n flessie.
3 Vis Spuit ’n rooster goed met kossproei. Plaas die vis met die velkant na onder op die rooster. Sny die botter in skyfies en plaas ruimskoots bo-op die vleiskant van die vis. 4 Plaas hoog bo stadige kole (jy moet jou hand so 10 tellings daaroor kan hou) en braai tot die vleis wit en nie meer glaserig is nie, sowat 15 min. Plaas nog botterskyfies op soos nodig en verf die gesmelte botter van tyd tot tyd oor. 5 Maak die rooster toe en draai die vis om; verf die velkant ook met botter. Braai sowat 2 min. tot die vleiskant net effe geskroei is, draai om en braai net weer vinnig aan die velkant. 6 Plaas die vis op ’n bord en skep van die salsa bo-oor.
7 Voorsit Sit voor saam met ekstra skyfies suurlemoen.