Poppins betower weer ná dekades
Die wêreldse gunstelingkinderoppasser betower weer in ’n opvolgfliek van die 1964-treffer
SY’S al dekades lank die bekendste kinderoppasser ter wêreld – en sy’s binnekort terug om ’n nuwe generasie
al singend te leer: A spoonful of sugar helps the medicine go down.
Sy is natuurlik Mary Poppins, en eersdaags maak sy in ’n heel nuwe gedaante weer ’ n draai op die silwerdoek in die opvolgfliek Mary Poppins Returns. Dié fliek gaan sommer super c al i f ra gil i st i c ex pi a lido c i ou s wees, voorspel die handjievol Hollywoodgrootkoppe en rolprent verspreiders wat dit reeds gekyk het.
Die oorspronklike 1964-trefferfliek het ’n internasionale ster van Julie Andrews, destyds se Mary, gemaak. Dié keer daal die aktrise Emily Blunt uit die wolke neer om dinge in ’n deurmekaar huishouding te kom regruk.
Maar al klink dit dalk moeilik om aan Mary te dink as enigiemand anders as die mooi Julie met daardie potblou oë van haar, voorspel ingeligtes die nuwe Mary gaan ewe oorrompelend wees.
“My gunstelingfliek van die jaar,” het een van die bevoorregtes wat die fliek reeds gekyk het, laat hoor. “Ek het grootgeword met Mary Poppins, en die opvolg het my verwagtings heeltemal bevredig.”
DIE NUWE STORIE
Dit trek weg in Londen in die Depressiejare, 25 jaar nadat die storie in die oorspronklike fliek in Eduardiaanse Londen afgespeel het.
Die Bankskinders, Jane (Emily Mortimer) en Michael (Ben Whishaw), is nou grootmense.
Michael woon saam met sy drie kinders en hul huishoudster, Ellen ( Julie Walters), in die huis in Cherry Tree Lane waar hy en Jane grootgeword het.
Toe Michael sy vrou verloor, daal Mary Poppins uit die hemele neer om sonskyn – en orde – te bring aan hul hartseer lewe. In die destydse fliek het die skoorsteenveër mnr. Dawes, toe gespeel deur Dick van Dyke, haar vriend gespeel, maar dié keer is Mary se vertroueling die straat la straatlamp aansteker Jac k, gespeel deur Lin-M Lin-Manuel Miranda. O Op 92 keer Dick terug na die nuwe fli fliek as mnr. Dawes jr., die seun van d die oorspronklike een. Daar is ook n nog Meryl Streep as Topsy, Mary se eksentrieke niggie, Angela Lansbury as die ballonvrou en Colin Firth met sy stywe bolip as William Weatherall Wilkins, die nu nuwe president van die Fidelity Fidu Fiduciary Bank.
HOEKOM HOEKO ’N OPVOLGFLIEK?
Die regisseur, Rob Marshall (58), verduidelik hy wou Mary Poppins terugbring as “medisyne” vir ’n wêreld wat tans swaar trek.
“Ek dink dis iets wat ons baie nodig het,” sê hy. “Ons leef in so ’n breekbare wêreld dat ons dié fliek nodig het. Ek wil die nuus afskakel en weggevoer word na ’n towerwêreld waar wonderlike goed nog kan gebeur en waar daar hoop is.”
DIE VOORREG OM MARY TE WEES
Emily was heeltemal oorbluf toe Rob haar uit die bloute bel en die rol van Mary Poppins aanbied.
“Hy’t net gesê: ‘Ons gaan Mary Poppins doen,’ ” het sy aan an Ellen DeGeneres vertel.
“Ek was totaal geskok en effens verskrik. Ek het gevoel hoe waai my hare agtertoe.”
Voor sy dit geweet het, het Rob al geweet sy’s die een: Met haar vonkelende oë, vat-nie-twak-nie-houding en hoogdrawende Engelse aksent is Emily (35) die perfekte Mary.
Een resensent het haar beskryf as “absoluut wonderlik – haar vertolking maak haar ’n aanspraakmaker op die Oscar vir beste aktrise”.
En sal Emily daardie suiwer stem van Mary kan baasraak wanneer sy die nuwe liedjies in die musiekspel sing?
Die aktrise het al voorheen in die fliek Into the Woods gewys sy het ’n goeie stem, en die liedjieskrywers wat treffers geskep het vir Hairspray en Charlie & the Chocolate Factory, Marc Shaiman en Scott Wittman, het die klankbaan spesiaal geskryf om by Emily se stem te pas.
“Dit het minder druk op my geplaas as om liedjies te sing wat reeds tevore deur iemand anders gedoen is,” sê die aktrise. “Hier is nou net liedjies wat by my en my vermoëns pas. Om die mens te wees wat aan dié liedjies lewe gee, is ’n groot eer.”
Emily vertel sy het besluit om nie weer die oorspronklike fliek, wat sy as kind gesien het, te kyk nie. “Niemand kan Julie Andrews naboots nie,” het sy verklaar. Sy wou eerder haar eie weergawe van Mary wees.
Mary Poppins Returns is van 28 Desember af in Suid-Afrika te sien.