FEESBRAAI-HOENDER OP DRIE MANIERE BEREI
Pleks daarvan om ’n groot snit duur vleis vir Kersfees te koop, oondbraai ’n paar sappige hoenders met een van of al drie dié geurige vryfmengsels. Bind ’n strik om die boudjies van die gaar hoenders vir feestelike flair indien verkies.
GENOEG VIR 10-12 MENSE BEREIDING: 20 MIN. GAARMAAK: 1 UUR 30 MIN.
3 plomp hoenders, skoongemaak en drooggedruk sout en vars gemaalde swartpeper 2 suurlemoene, in kwarte gesny
2 uie, geskil en in kwarte gesny
VRYFMENGSELS 1. SITRUS EN MENT
5 ml (1 t) komynsaad sap en gerasperde skil van
1 suurlemoen sap en gerasperde skil van
1 lemoen ’n hand vol vars ment, gekap
15 ml (1 e) olyfolie
2. HEUNING EN MOSTERD
30 ml (2 e) heuning
15 ml (1 e) Dijonmosterd
15 ml (1 e) olyfolie
6 takkies vars tiemie, blare van stele verwyder en stele weggegooi
4 knoffelhuisies, gekap
3. SPESERYE
10 ml (2 t) fyngedrukte brandrissies 10 ml (2 t) gerookte of soet paprika 5 ml (1 t) elk fyn komyn en koljander 15 ml (1 e) gemengde droë kruie 30 ml (2 e) olyfolie
Voorverhit die oond tot 160 °C. Hou 1 groot of 2 kleiner oondbak(ke) byderhand. 1 Geur die hoenders met die sout en vars gemaalde peper. Stop die holtes van die hoenders styf met die suurlemoene en uie. Bind die boudjies met slagterstou aan mekaar vas.
2 Vryfmengsels Meng die bestanddele vir die 3 verskillende vryfmengsels in 3 verskillende bakke. Vryf elke hoender oraloor met een van die vryfmengsels. Plaas die hoenders in die oondbak(ke) en bedek met foelie. 3 Braai die hoenders 1 uur en 10 min. Verhoog die oondtemperatuur tot 230 °C en haal die foelie af. Braai die hoenders nog 15-20 min. of tot goudbruin. Haal uit die oond, laat die hoenders 15 min. rus en sny soos verlang.