KERS-KANEELROLLETJIES
Die nagereg kan selfs as deel van die versierings op die tafel dien. Chocolate Cinnabon wreath:
LEWER 24-26 ROLLETJIES BEREIDING: 20 MIN. GAARMAAK: 15-20 MIN.
DEEG
400 g koekmeel
80 g kakaopoeier
125 ml (½ k) strooisuiker
2,5 ml (½ t) sout
20 ml (4 t) bakpoeier
250 ml (1 k) melk 65 g botter, gesmelt
1 groot eier, geklits
5 ml (1 t) vanieljegeursel
VULSEL
250 ml (1 k) sagte bruinsuiker
60 ml (4 e) fyn kaneel
100 g bosbessies
100 g amandelvlokkies
100 g donkersjokolade, grofgekap
65 g botter
GLASEERSEL
250 ml (1 k) versiersuiker, gesif
230 g roomkaas
5-10 ml (1-2 t) suurlemoensap vars kersies en ment
Voorverhit die oond tot 180 °C. Smeer ’n groot bakplaat en voer dit uit met bakpapier.
1 Deeg Sif die droë be-
standdele saam, voeg die res van die bestanddele by en meng tot ’n deeg vorm. Rol die deeg uit tot ’n dikte van 5 mm.
2 Vulsel Meng al die bestanddele en strooi oor die deeg.
3 Begin aan die een kant en rol die deeg styf op. Sny die kante van die rolletjie netjies met ’n skerp mes en sny dan die rol in rolletjies met ’n breedte van 3 cm. Pak die rolletjies met die snykant na bo in ’n groot sirkel van 13-14 rolletjies. Pak die oorblywende rolletjies aan die binnekant styf teen die groter sirkel.
4 Bak die rolletjies 1520 min. of tot liggies verbruin. Haal uit die oond en laat op ’n afkoelrak heeltemal afkoel.
5 Glaseersel Meng die versiersuiker, roomkaas en suurlemoensap tot ’n dik mengsel vorm wat steeds gegiet kan word en giet oor die rolletjies. Bestrooi met kersies en ment.