HANNON BOTHMA
Stylghoeroe en aanbieder van die kykNET-program Glam Guru
Die ete
Dink vars en lig, pleks van swaar in die warm weer, stel Hannon voor.
“Moenie te veel warm, gekookte kos voorsit wat jou wil laat omkap van moegheid en jou slaperig maak van te veel eet nie.”
Drankies
“Sjerrie of port is ’n heerlike verwelkomingsdrankie. Opdienbekers met sangria vol vrugtestukkies en yskoue vonkelwyn is altyd gepas. Vir diegene wat nie drink nie, moet jy altyd iets soos druiwesap in bekers met baie ys hê.” ’n Kerstafel is goed versier as dit feestelik maar ook prakties is. “Die blomme op die tafel moet byvoorbeeld nie so groot wees dat gaste mekaar nie kan sien nie.”
Tafeldekor kan ’n prettige selfdoen-aktiwiteit wees. “Kinders kan op A4-papiere prentjies teken wat jy kan lamineer om as plekmatjies te gebruik. Jy kan servetringe met takkies of klimop vleg. Pleks van groot blommerangskikkings op die tafel kan jy ’n Kerskrans met groenigheid uit jou eie tuin maak. Druk bessies tussenin vir ’n feestelike gevoel. Of gebruik enige groenigheid uit jou tuin vir ’n vars rangskikking in ’n pot of vaas in die middel van jou tafel.”
Nog van Hannon se selfdoen-idees is om glasvase met suurlemoene of dennebolle te vul. “Gebruik kleurryke lint en maak ’n strikkie om messegoed saam te bind. Vir sprankel kan jy ook ouma se krale om ’n kersblaker drapeer.”
Die Kersboom
Die belangrikste is om jou persoonlikheid te weerspieël in hoe jy jou Kersboom versier.
“As jy kinders het, laat hulle self die versierings vir die boom maak; as jy van bak hou, versier jou boom vol tuisgemaakte Kerskoekies met interessante vorms, soos sterretjies en huisies.”
Om ’n stylvolle boom te skep wat steeds treffend is, moet jy ontslae raak van al daardie oortollige en bont versierings wat jy die afgelope dekade elke keer kortt voor Kersfees uitkrap. Dink aan die string Kersliggies wat uittand brand weens al die dooie gloeilampies en die stringe goue engelhare wat al bles is.
“Hang eerder minder maar groter versierings aan die punte van die boomtakke. Hou by ’n kleurskema van drie kleure. Dit is treffend en lyk stylvol.”
Vir ’n grafiese Kersboom wat geen plek in beslag neem nie, kan jy kunsblare in die vorm van ’n Kersboom (minder blare bo en geleidelik meer na onder) teen ’n kaal muur plak.
Kersgeskenke
Die beste Kersgeskenke is nie peperduur of die jongste tegnologiese wonderwerk nie.
Nee, geskenke wat self gemaak is en waarin tyd belê is, is die waardevolste, sê Hannon.
“My pa het al vir my ’n broodbord gegee wat hy uitgesaag het, en van my suster het ek ’n fotoalbum gekry wat sy self saamgestel het.”
Hy en sy geliefdes het al ooreengekom op ’n maksimum bedrag om aan geskenke te bestee.
“Dit moet iets wees wat vir almal bruikbaar is, soos ’n koffiebeker of badsakkie. Ons het al die geskenke in ’n groot sak gegooi en almal het ’n gelukspakkie getrek.”
Die musiek
“Die musiek moet net ’n atmosfeer skep en nie te veel aandag g trek nie. Daarom speel p ek graag musiekek musiek in ’n ander taal. Vir agter-agter agtergrondmusiek k kan jy met kunstenaars soos Ella Fitzgerald en Michael Bublé nooit ’n fout maak nie.”
Onthaal:Onthaal: DieDie moeniesmmoenies
“Die gasheer off of -vrou moenie net hul eie mussiek musiek kliphard speel en verwag almal gaan dit geniet nie. MoenieM Moenie heeltyd op jou selfooon selfoon praat met vriende en fammilielede familielede wat ver bly nie; maaak maak jou oproepe klaar voor jou gasteg-kom gaste kom en sit dan jou foon eeenkant. eenkant. Moenie drank afdwing op mense wat nie van alkkohol alkohol hou nie.”
EtiketEtiket virvir gastgaste te
“Vra met enige uitnodiging wa wat t jy kan saambring saambring. . En al sê die gas gassvrou jy hoef nik niks ks saam te bring nie, neem ten minste ’n bottel wyn saam.”