WAT WAG OP HAAR?

Shamila Batohi vervang Shaun Abrahams, wat vroeër vanjaar uit sy pos as NVG-baas verwyder is nadat die konstitusionele hof verklaar het sy aanstelling in 2015 deur oudpres. Jacob Zuma was “onwettig” en “’n magsmisbruik”.

In haar onderhoud vir die pos – sy was een van vyf kandidate – het Shamila nie doekies omgedraai nie. “Die huis is aan die brand,” het sy oor die huidige stand van sake by die NVG gesê. “Dis ’n gemors, by gebrek aan ’n beter woord.”

Interne verdeeldheid, begrotings besnoeiings ,’ n personeeltekort en’ n gebrek aan vertroue in die strafregstelsel – dis maar net ’n paar van die dinge wat sy moet regstel.

Weens begrotings besnoeiings isme eras 200 vervolgingsposte vakant. Dit beteken die NVG kan eenvoudig nie al die sake hanteer wat ondersoek moet word nie.

Die hoof van geregtigheid en geweld svoorkoming by die Instituut vir Sekerheidstudies, Gareth New ham, sê dit sal b yS hamila berus om di eN V G te versterk sodat die eenheid sy werk kan doen.

“Sy het die regte mense in die regte poste nodig wat die regte besluite kan neem, en die nodige bewyse kan versamel en verwerk om vervolging suksesvol deur te voer,” sê hy. Sy sal ook onbevoegde senior bestuurders moet verwyder en met mense met integriteit en ervaring vervang.

Christine Botha, waarnemende hoof van die sentrum vir konstitusionele regte, sê een van Shamila se grootste uitdagings sal wees om die geloofwaardigheid te herstel van die eenheid wat oor die afgelope dekade deur politieke inmenging gekniehalter is.

Christine sê die hoëprofielsake wat die NVG binnekort sal behartig – soos die Zuma-korrupsiesaak en sake wat uit die huidige Zondo-kommissie van ondersoek na staatskaping voortspruit – sal die NVG die geleentheid gee om weer openbare vertroue te wen.

Shamila het aangedui sy sal pres. Cyril Ramaphosa se goedkeuring vra om ’n nuwe ondersoek direktoraat, soortgelyk aan die ontbinde Skerpioene, te vorm om korrupsie te pak.

Maar terselfdertyd moet sy ook gewone burgers dien wat die slagoffers van misdaad is. “Mense moet sien dat as hul saak hof toe gaan hulle geregtigheid sal kry,” sê Christine.