WIL IN VREDE SKEI, MAAR SY BAKLEI
VEk is besig om te skei en volgens ’n tussentydse hofbevel mag ek my kind af en toe sien. Maar wanneer ek haar by my ampereksvrou gaan haal, ontaard dit in ’n geskree. Beledigings en beskuldigings word rondgeslinger, maar later moet ek leuens daaroor aanhoor. Al wat sy wil doen, is prosedeer. Dis die een prokureursbrief ná die ander. Al wat ek wil doen, is om in vrede uitmekaar te gaan. Ek wil nie hê my kind moet aan die bakleiery tussen ons blootgestel word nie. Ek betaal onderhoud en het ’n groot familie na wie ek my kind saamneem. D op Q
ADie tyd voor ’n ouerskapplan opgestel is, verg groot geduld omdat die emosies dan hoog kan loop. Die veiligste is om toe te sien dat wanneer jy jou kind gaan op- en aflaai jy elke keer iemand saam met jou het wat ’n getuie kan wees van wat gesê en gedoen word. Neem ook skermgrepe van jul selfoonkommunikasie en stuur dit aan ’n vertroueling sodat dit veilig is as jy later daarna wil verwys.
Dis goed om saam by familie te kuier, maar sorg ook dat julle tyd alleen deurbring. Woon skoolgeleenthede getrou by en smee bande met die onderwysers.
Eindelose prokureursbriewe kan ’n teken wees dat jou amper-eks jou wil boelie. Moenie dat vrees vir konflik jou daarvan beroof om jou kind te sien nie. Namate jou kind ouer word, sal sy meer tyd saam met jou nodig hê om die band tussen julle heg te hou. Jy moet dus toesien dat sy gereeld skoolvakansies en vakansiedae by jou deurbring. Hierdie soort bepaling moet deel van jul ouerskapplan uitmaak.
Sedert April 2010 is dit verpligtend om so ’n plan op te stel as minderjarige kinders by ’n egskeiding betrokke is. Dit moet op skrif wees, deur albei partye onderteken word en by ’n gesinsadvokaat geregistreer of ’n hofbevel gemaak word. As daar nie by die plan gehou word nie, kan jy die hof nader.
Dis ’n goeie idee om ’n gesinsbemiddelaar se hulp in te roep om gouer’ n skikkings ooreenkomste bereik pleks daar vandat julle tyd in prokureurskantore deurbring. So’ n bemiddelaars e taak i som juis die kommunikasie beleef en sonder onnodige konflikte hou.