JOU STERRE VISSE
STEENBOK 21 DES – 20 JAN Hou jou doel voor oë terwyl jy feesvier
Met al die verjaardagpartytjies en feestydaktiwiteite is jou sosiale lewe waarskynlik op die oomblik baie lewendig. Maar soos ’n tipiese Steenbok sal jy te midde van die joligheid terdeë bewus wees van jou langtermyn-ambisies en die doelwitte wat jy in 2019 wil behaal. Dit is ’n lonende tyd om jou op sukses voor te berei. Aangesien dit ’n uitstekende tyd vir beplan en organiseer is, moet jy tyd opsysit om jou sake agtermekaar te kry. GELUKKIGE NOMMERS 29, 39, 41, 10, 50, 52
WATERDRAER
21 JAN – 18 FEB Dit is tyd om ’n blaaskans te neem voor werkverpligtings jou neerdruk of feestelikheid sy tol op die welstand van jou liggaam, verstand en siel eis. Dis tyd om jou vir ’n tydperk van bepeinsing te onttrek. Aangesien jy tot ’n lugteken behoort, sal daar waarskynlik nie ’n tekort aan idees wees om oor na te dink nie. Dit is ’n geskikte tyd om oor hoogteen laagtepunte van 2018 te dink en voornemens vir die nuwe jaar te stel. GELUKKIGE NOMMERS 7, 47, 23, 25, 49, 30 19 FEB – 20 MRT Mars beweeg dié week jou geldhoroskoop binne, wat ’n aansporing vir ’n ander benadering tot finansiële sake as ’n Nuwejaarsvoorneme kan wees. Dit is ’n goeie week om die grondslag vir sukses te lê, al verg dit tyd. Of jy nou die boeke wil balanseer en by jou begroting hou, ’n spaarplan begin of ’n beleggingsportefeulje opbou, die bemeestering van jou kontantvloei kan ’n mikpunt vir 2019 wees. GELUKKIGE NOMMERS 22, 33, 6, 15, 29, 19
RAM
21 MRT – 19 APR Jou planeet, Mars, beweeg dié week jou teken binne, wat jou in die luim vir aksie plaas. Met dié energiehupstoot en inspuiting van geesdrif is jy waarskynlik opgewonde om met die nuwe jaar weg te spring. Moed, mededingende dryfkrag en lewenskragtigheid lei jou tot in 2019. As ’n Ram wat op nuwe beginne floreer, moet jy dalk ’n nuwe stokperdjie begin of vindingryke doelwitte of ’n ander leefstylroetine kies. GELUKKIGE NOMMERS 24, 31, 4, 42, 48, 52
BUL
20 APR – 20 MEI ’n Nuwe jaar breek aan, wat dit ’n goeie week maak om jou voornemens vir 2019 te oordink. As ’n praktiese Bul wil jy dalk oor die stappe na ’n geborge toekoms dink, of jy ’n spaarplan wil begin, eiendom bekom of ’n gesonder leefstyl aanpak. Dit is ook ’n goeie tyd om die dinge te heroorweeg wat jou geluk en vooruitgang die afgelope jaar gestrem het. GELUKKIGE NOMMERS 28, 37, 11, 40, 51, 9
TWEELING
21 MEI – 20 JUN Die jaar begin met geleenthede en moontlikhede op die gebied van verhoudings in jou persoonlike lewe. Dit is ’n goeie tyd vir durende en winsgewende verhoudings wat wedersydse emosionele en/of finansiële steun betref. Maar dit is nie die tyd vir ’n ligte flirtasie met die idee of die mens nie, want die bereidwilligheid om jou te verbind is ’n voorvereiste vir ’n suksesvolle band. GELUKKIGE NOMMERS 50, 36, 8, 27, 44, 17
KREEF
21 JUN – 21 JUL Die dinamiese Mars beweeg dié week jou loopbaanhoroskoop binne, wat jou beroepslewe vonk en dryfkrag gee. Al is jy dalk nog in die feesvierings saam met die familie vasgevang, behoort dit gerusstellend te wees om van die waarskynlikheid van ’n dinamiese beroepslewe te weet. Dit is gepas om met die aanbreek van 2019 op jou doelwitte te fokus as jy in jou loopbaan wil vorder of jou nis in die samelewing wil vind. GELUKKIGE NOMMERS 14, 20, 5, 46, 36, 28
LEEU
22 JUL – 22 AUG Noudat 2018 ten einde loop en 2019 op jou drumpel is, is dit tyd om jou bedoelings te stel en voornemens te maak. As feespret sy tol op jou middel en jou beursie geëis het, sal dit ’n goeie begin wees om jou op ’n gesonde en winsgewende jaar voor te berei. Dit blyk ’n doeltreffende tyd te wees om persoonlike verbintenisse te maak. GELUKKIGE NOMMERS 52, 17, 1, 21, 34, 24
MAAGD
23 AUG – 22 SEP As ’n praktiese Maagd sal jy waarskynlik geen Nuwejaarsvoornemens maak nie, want dit is gewoonlik van korte duur. Dis nogtans ’n perfekte tyd om aan jou persoonlike ideale en beroepsdoelwitte vir die volgende 12 maande aandag te gee. Maar op die oomblik kry ontspanning voorrang. Maak die meeste van die feestyd. GELUKKIGE NOMMERS 9, 12, 51, 45, 50, 34
WEEGSKAAL
23 SEP – 22 OKT Ten goede of ten kwade beweeg die vurige Mars dié week jou liefdeshoroskoop binne. Wat sake van die hart betref, kan jou nuwe jaar op ’n passievolle hoogtepunt begin met iemand wat jou polsslag opstoot of om jou hart wedywer. Dis ook ’n tyd waarin jy en jou lewensmaat 2019 vol lewenslus kan verwelkom. Die slegste scenario is ’n liefdestwis wat genoeg konflik kan veroorsaak om jou van balans te bring. GELUKKIGE NOMMERS 30, 3, 13, 32, 49, 15
SKERPIOEN
23 OKT – 21 NOV Dis die begin van nog ’n jaar en dus tyd om aan jou doelwitte, begeertes en verwagtings te dink. As ’n Skerpioen sal jy geen steen onaangeroer laat om jou ideale te verwesenlik nie – maar wees realisties oor jou drome. Die vrugbaarste gebied vir uitbreiding in die komende jaar blyk dié van hulpbronne te wees, of jy nou jou finansies wil laat groei of jou sielkundige sterk punte ontwikkel. GELUKKIGE NOMMERS 48, 18, 16, 35, 42, 40
BOOGSKUTTER
22 NOV – 20 DES Pleks van Nuwejaarsvoornemens het jy as ’n soekende Boogskutter waarskynlik ’n paar sendings op jou doenlys vir 2019. Of jy verre lande wil verken, ’n spirituele soeke nastreef of meer kennis soek, dit is ’n geskikte tyd om met idees vir die komende jaar te speel. Neem die finansiële implikasies in ag: Dis ’n jaar waarin jy suinig met jou geld sal moet wees. GELUKKIGE NOMMERS 19, 43, 2, 26, 51, 44