HIER IS SOMMIGE BELANGRIKE DATUMS VIR JOU WENNERJAAR

BLOU MAANDAG: Die derde Maandag van Januarie staan bekend as Blou Maandag en mense beskou dit as die neerdrukkendste dag van die jaar. Hoekom? Omdat die meeste van ons dan terug is by die werk, weet die vakansie is verby, en besef dat ons hopeloos te veel geld uitgegee het oor die feesseisoen. Wat om te doen: Blou Maandag is die perfekte dag om ‘n afspraak met jou finansiële beplanner te maak. Dit is wonderlik hoe dit jou kan opbeur om te weet jy het ‘n plan in plek. Dit is ook die ideale dag om ‘n verskil te maak. Om iets terug te gee, is ‘n bewese manier om jou nie net ‘n beter nagrus te besorg nie, maar ook jou brein beter te laat funksioneer. Bestee jou tyd of jou geld aan ‘n goeie doel wat jou na aan die hart lê. VALENTYNSDAG is die ideale verskoning om ‘n bietjie liefde aan jouself te betoon. Februarie is natuurlik ook die einde van die belastingjaar, so neem jou kans waar om ‘n enkelbedrag in jou belastingvrye spaarrekening te deponeer as ‘n geskenk van jou aan jouself. Daarna kan jy bykomende beleggings in jou uittreeannuïteit maak, aangesien dit ook belasting aftrekbaar i sen terselfdertyd jou aftreespaargeld ‘n hupstootjie gee. JOU VERJAARDAG: ‘n Verjaardag laat jou onvermydelik nadink. Dink gerus na oor jou finansiële welstand om seker te maak jy is op die regte pad om jou groot doelwitte te bereik. WINTER: Terwyl dit koud is buite, gaan jy tevrede glimlag. As jy in Januarie jou spaarrekening geopen het en maandeliks bygedra het, sal jy teen Junie/Julie genoeg spaargeld hê om ‘n klein vakansietjie te neem om enige terneergedruktheid so in die middel van die jaar af te skud. DESEMBER: As jy een van die gelukkiges is, kry jy dalk ‘n jaareindbonus. Gebruik die reël van derdes as jou riglyn. Een derde gebruik jy om skuld te betaal, een derde voeg jy by jou beleggings vir die lang termyn, en een derde gebruik jy om jouself te beloon. Die presies bereik jaareinde het. jy oor Dit laat die is weer afgelope jou ook tyd wonder om 12 maande met wat jou finansiële beplanner te gesels en te kyk hoe jou plan vorder. Maak seker jy is op pad om jou kort- en langtermyndoelwitte te bereik. Hersien jou beleggingsportefeulje en onthou belegging is iets vir die lang termyn. Dis nie net ‘n jaarlikse speletjie nie. Sodra jy jou plan hersien het, behoort jy tevrede te voel met wat jy tot dusver bereik het. As jy ‘n kundige spanmaat in hierdie beleggingsmarathon wil hê, besoek www. glacier.co.za vir meer inligting of gesels met jou finansiële adviseur.