KOSBLIK 2 MUFFINS MUFFINSM MET TUNA-ENEIERVULSEL EN YSTEE
Dié muffins het nie ’n smeersel nodig nie, want dit het reeds ’n vulsel in die middel. LEWER 6 MUFFINS BEREIDING: 15 MIN. BAK: 20-25 MIN. MUFFINS 100 g spekstukkies 250 ml (1 k) bruismeel ’n knippie sout 30 ml (2 e) suiker 250 ml (1 k) mieliemeel 1 ekstra groot eier 250 ml (1 k) melk of natuurlike jogurt 60 ml (¼ k) olie VULSEL 1 x 170g-blikkie tuna in soutwater verpak, gedreineer 2 hardgekookte eiers, in growwe stukke gesny 125 ml (½ k) gladde maaskaas met kruie en knoffel Voorverhit die oond tot 180 ˚C. Smeer ses diep holtes van ’n muffinpan.
1 Muffins Braai die spek tot gaar, laat afkoel en kap fyn. 2 Sif die droë bestanddele saam. 3 Klits die nat bestanddele saam en roer by die droë bestanddele in tot net gemeng. Voeg ¾ van die spek by.
4 Vulsel Meng al die bestanddele. 5 Skep die muffinholtes halfpad met die muffinmengsel vol, skep van die vulsel in elke muffinholte en skep die res van die muffinmengsel bo-op. Sprinkel ’n bietjie van die oorblywende gekapte spek bo-op elk. 6 Bak 20-25 min. of tot gaar.
YSTEE Gebruik 10 natuurlik gegeurde rooibosteesakkies
(bessie, waatlemoen en groentee of suurlemoen, gemmer en ment werk lek- ker saam, maar jy kan die geure na smaak kies). Giet
3 L kookwater oor en laat afkoel. Druk die sakkies goed uit en skep uit. Plaas die tee in die yskas. Vir voorsit: Vir elke 1 L tee kan jy 375 ml (1½ k) natuurlike vrugtesap of 45 ml (3 e) natuurlike vrugtestroop byvoeg. (As jou kinders ’n suikertand het, voeg ’n klein bietjie bruinsuiker by, maar dis geensins nodig nie.) Giet in botteltjies en vries, dan is dit net mooi ontvries teen pousetyd. PAK OOK: gekapte droëvrugte (perskes en pere) en grondbone tamatie-babakomkommeren-kaasstokkies