JOU STERRE 2019
Dit sal ’n interessante jaar vir feitlik elke teken van die diereriem wees. Lees hier wat alles vanjaar vir jou voorlê
RAM 21 MAART – 19 APRIL
In party kulture glo hulle die eerste dag van die jaar bied leidrade tot die res van die jaar. In jou geval het Nuwejaarsdag skitterende merkers
Vanjaar kan onverbeterlik wees. Die vurige Mars, jou heersende planeet, sal enkele ure ná die begin van 2019 jou teken betree. Die Ram is die eerste teken van die diereriem, en op die eerste dag van die jaar stap jy as die hoofspeler op die verhoog.
In 2019 sal jy kry wat jy wil hê. Verwag om ’n groot deel daarvan in die kollig te wees. Meer mag en groter sigbaarheid sal jou help om probleme te ontduik. As jy dit kan droom, kan jy dit bewaarheid. Die geluksgodin stap hand aan hand met jou wanneer jy skietgee en ophou daarop aandring dat jy reg is.
Die meeste oplossings sal te voorskyn kom as jy jou van probleme losmaak en empatie met ander het. In die laaste maand van 2019 sal jy eindelik die vrugte van jou positiewe houding en benadering tot die lewe begin pluk.
Op die eerste dag van die jaar stap jy as die hoofspeler op die verhoog
BUL 20 APRIL – 20 MEI
In 2019 begin jy in ’n mens vol verrassings ontwikkel
Die planete se boodskap aan jou is om alles uit te skakel wat onnodig en ligsinnig is en tot verwarring in jou lewe bydra. Jy sal agterkom hoe meer komplikasies jy afskud, hoe meer sal jy glimlag.
Of jy dié transformasie aanvaar of nie, jou liefdeslewe sal nog ’n bron van geluk word. ’n Lewensmaat of iemand besonders wat jou lewe binnekom, verryk dit en sorg vir gelukkige dae. Jy kan groter geluk verwag danksy dié mens se teenwoordigheid in jou lewe.
Vanjaar sal jy ook besonder gelukkig wees wat geldsake betref. Wees bereid om veranderings te maak, dan sal jou jaar soveel beter verloop.
Party Bulle sal meer reis en aan verskillende kulture en denkwyses blootgestel word.
Jou kop sal vir ’n nuwe gedagtewêreld oopgaan.
Jy het baie drome en sal geïnspireer voel om in 2019 ’ n nuwe koers in te slaan.
Hoe meer komplikasies jy afskud, hoe meer sal jy glimlag
TWEELING 21 MEI – 20 JUNIE
Met jou vriendelike en opgewekte geaardheid is jy vir almal ’n staatmaker. Ander wat dieper kyk, sal sien dat jy ’n nuwe eienskap uitstraal
In 2019 word jy hartliker en inskikliker. Jy sal ook agterkom ander mense is ontvankliker as wat hulle in die verlede was. Danksy verskeie kontakte sal jy dit gelukkig tref.
As jy iemand is wat die lewe beskou as ’n glas wat halfleeg is, sal jy teen die einde van 2019 al amper daardie ou, uitgediende manier van dink afgeskud het.
Dié vernuwing sal regstreeks te danke wees aan die invloed van besonderse mense in jou lewe, van wie jy party aan die begin van die nuwe jaar sal ontmoet.
Nuwe insigte sal jou skielik te binne skiet en dié openbarings sal jou waarskynlik verstom. Jy leef dikwels in jou kop, waar jy verskillende idees uitpluis. Pas jouself goed op.
Jy is besig om ’n langtermyndroom te verwesenlik, al sal dit dalk eers oor ’n paar jaar aan die lig kom.
Jy is besig om ’n langtermyndroom te verwesenlik
KREEF 21 JUNIE – 21 JULIE
Jy sal jouself dalk moet dwing om op lang termyn te dink, veral wanneer jy na jou toekoms kyk. Jou bui kan elke uur verander
Sommige dae kan dit dalk vir jou voel of jy ’n hele jaar binne ’n kort tydjie beleef het. Jy het ’n vlymskerp brein wat die verlede betref.
Vanjaar kan jy dalk besiger wees as wat jy gedink het moontlik is. Jy kan ’n salarisverhoging of bevordering verwag.
Dit lyk asof jy die lewe die meeste geniet wanneer jy saam met kollegas, vriende en/ of geliefdes uitgaan. Kyk mooi na jouself. Verhoudings toets jou uithouvermoë, veral ’ n langtermynverbintenis. Wees geduldig as jy kan; die beste is nog op pad.
Jy sal agterkom dat jy altyd op jou voete land wanneer jy jou sesde sintuig volg. “Vertrou” is ’n woord wat jy in oomblikke van onbestendigheid aan jouself moet sê.
Jy sal in Desember 2019 die eerste kykie kry van wat vertroue alles vir jou sal moontlik maak.
Jy kan ’n salarisverhoging of bevordering verwag
LEEU 22 JULIE – 22 AUGUSTUS
Vanjaar sal jy dadelik inspring en voluit leef. Van al die tekens is die Leeu die liefste vir die liefde
Nodeloos om te sê, jou romantiese lewe kry behoorlik skop. Met ’n intense fokus op liefde en romanse, sal jy in 2019 breed glimlag. Almal sal dalk dink jy lei die volmaakte lewe.
Met al die aandag op jou persoonlike lewe sal jy selfdissipline moet toepas om die minder genotvolle aspekte van jou lewe te hanteer. Dit sal jou gelukkig maak om van die huis af te werk; doen dus jou bes om dié moontlikheid te ondersoek.
Wat ook al oor jou pad kom, jy sal maklik oplossings daarvoor kry. Jou grootste uitdaging vanjaar is om te leer om diep asem te haal wanneer iets onverwags gebeur.
As enige sterreteken omwentelings goed kan hanteer, is dit joune. In 2019 sal jy jou emosies toelaat om ’n groot rol te speel. Gebruik jou energie om positiewe oplossings te kry. Verban die woorde “nee” en “onmoontlik” uit jou woordeskat. Maak ’n bottel vonkelwyn oop, want jy het ’n besonderse jaar as geskenk gekry.
Verban die woorde ‘nee’ en ‘onmoontlik’ uit jou woordeskat
MAAGD 23 AUGUSTUS – 22 SEPTEMBER
Jy sal vanjaar ’n inspirerende persoonlikheid na jou toe aantrek. Jy kan dalk te idealisties oor dié mens wees en hom of haar op ’n troontjie plaas
Maar iemand op ’n troontjie kan ongelukkig net in een rigting beweeg: ondertoe. Om almal se onthalwe, wees asseblief realistieser in jou siening van jou vriende en geliefdes.
Jou visie en hoe jy kommunikeer, kan jou oorheersende kenmerke in 2019 wees. Jy sal dikwels gevra word om jou perspektief op verskillende sake te deel.
Dit kan dol gaan met die bestuur van jou daaglikse lewe. Dit lyk of jy voortdurend met onverwagte nuus en gebeure gebombardeer word. Leer om buigsaam te wees; dis belangrik vir jou welstand.
Stel ’n wenslys op terwyl jy jou voete in 2019 vind. Jy sal binne die volgende jaar minstens een van jou drome kan bewaarheid.
Jy sal baie veranderings sien plaasvind. Een ding waarop jy kan reken, is dat 2019 vir jou ’n opwindende jaar sal wees.
Leer om buigsaam te wees; dis belangrik vir jou welstand