JOU STERRE 2019
WEEGSKAAL 23 SEPTEMBER – 22 OKTOBER
Sorg dat jy vanjaar van die implikasies van jou keuses bewus is. Jy dink dalk dat alles agtermekaar is, maar in die werklikheid is dit nie so nie
Jy sal krag put uit jou vermoë om tussen feit en fantasie te onderskei. Jou woordkeuse en diplomasie sal help om ander na jou aan te trek.
Jy wil dalk sekere perke ophef wat jy self vir jou gestel het.
Dit wil amper voorkom of jy ander se gedagtes kan lees. Jou kommunikasie floreer in 2019. Jou houding laat die skanse tussen jou en ander wegsmelt.
Jy dink miskien jy het alles onder beheer, maar as dié aanname getoets word, kan die teenoorgestelde waar wees.
Jou sosiale lewe gaan in die nuwe jaar van krag tot krag en kan jou baie besig hou. Tog weeg jou huislike lewe steeds swaar by jou. Moenie toelaat dat ’n kamermaat of familielid die wind uit jou seile haal nie. Dié mens probeer dalk bloot sy of haar posisie heroorweeg en maak geldige veranderings.
Jou sosiale lewe gaan in die nuwe jaar van krag tot krag
SKERPIOEN 23 OKTOBER – 21 NOVEMBER
Die maan betree dié Oujaarsaand jou teken en dit beloof ’n emosionele maar merkwaardige jaar
Sorg dat jy 2019 nie alleen inlui nie. Maak ’n bottel vonkelwyn saam met geliefdes oop om die positiewe verskuiwing te vier.
As jy ’n bietjie selfdissipline toepas, kan jy vanjaar ’n finansiële hoogtepunt bereik – een wat waarskynlik nie in die volgende 12 jaar weer sal opduik nie. Benut die oomblik ten volle. Goeie en ook slegte risiko’s sal hulle waarskynlik voordoen. Moenie bang wees vir verandering nie, maar kies versigtig wanneer jy kanse wil waag.
Die manier waarop jy geld hanteer, het implikasies op lang termyn. Jy geniet dit om met baie mense te gesels en gevatte sêgoed uit te ruil. Jy kan vanjaar baie pret hê. Jou sosiale lewe sal intens wees, maar soms moet jy ook ontspan en dit geniet om net te dagdroom.
Neem jou voor om nie ander te oorheers of in die algemeen te besitlik op te tree nie. Jy het reeds ’n sterk grondslag vir die komende jaar gelê.
Die manier waarop jy geld hanteer, het implikasies op lang termyn
BOOGSKUTTER 22 NOVEMBER – 20 DESEMBER
Elke 12 jaar begin jy met ’n nuwe geluksiklus waarvan die eerste jaar een van die gelukkigstes is. Wanneer 2018 in 2019 oorgaan, sal jy in die eerste maand van die eerste jaar van jou nuwe geluksiklus wees
Soms gaan dit dol in ’ n nuwe geluksiklus met te veel dinge wat tegelyk gebeur. Selfs al is dit alles goeie dinge, kan dit oorweldigend wees.
Jupiter, die geluksplaneet, betree jou teken en moedig jou aan om vanjaar waaghalsig te wees. Jy sal risiko’s wil neem, en al is daar geen waarborge in die lewe nie, het jy ’n veel groter kans om dit in 2019 gelukkig te tref. Jy sal die energie hê om enigiets wat jy aanpak met flair en sukses af te handel.
Sommige van julle sal ’n behoefte aan groei, spiritualiteit en groter wysheid ervaar. Soms geniet jy soveel gemak by die huis dat jy nie eens wil uitgaan nie. As daar ooit vir jou ’ n volmaakte jaar sal wees, sal dit 2019 wees.
Sommige van julle sal ’n behoefte aan groei, spiritualiteit en groter wysheid ervaar