Die wêreld in 2019: Kenners sê
Verkiesings, grond, Brexit, Trump – die nuwe jaar gaan hittig wees! Kundiges sê wat ons kan verwag
‘Die huis kan nou vra om Trump se belastingopgawes te sien’
DIE vonkelwynproppe klap, die vuurwerk verskiet in die naghemel bo wêreldstede, en baba Nuwejaar gee sy eerste, wankelende treë.
Op die vraag wat 2019 alles vir ons inhou, is daar nog min antwoorde, maar een ding is seker: Die groot politieke sepies van die ou jaar is nog lank nie uitgespeel nie. Maak jou reg vir nog hoogdrama . . .
Ons kyk vooruit na die groot kwessies wat vanjaar voorbladnuus sal wees.
AMERIKA: TAAI TYE VIR TRUMP
In November 2018 se middeltermynverkiesing het die Demokrate die eerste keer sedert 2010 beheer oor die Amerikaanse Kongres se huis van verteenwoordigers verkry.
Die Kongres is Amerika se wetgewende gesag. Dit bestaan uit twee kamers – die “huis” en die senaat. Tydens die middeltermynverkiesing (halfpad deur hul president se vierjaartermyn) word die 435 verteenwoordigers en ’n deel van die senaat se 100 lede verkies. Wetgewing moet deur albei kamers goedgekeur word. Maar die huis het unieke magte, soos dat alle belasting- en bestedingswetsontwerpe daar ingedien word, en net die huis kan die president in ’n staat van beskuldiging stel.
Die Demokrate het dus in die middeltermynverkiesing hul posisie teenoor Trump se Republikeinse Party verstewig danksy die uitbreiding van hul invloed oor die huis se besluite.
Trump het vroeër geweier om sy belastingopgawes gedurende sy verkiesingsveldtog bekend te maak, maar die Demokrate in die huis werk nou aan wetgewing wat hom wetlik verplig om dit te doen. Druk dat hy sy opgawes moet wys, het laat in 2018 verskerp weens berigte dat hy sy eiendomsmagnaatpa, Fred C. Trump, na bewering belasting help ontduik het. Daar is ook vrae oor betalings aan sy ondernemings deur die Saoediregering.
“Die huis kan nou vra om Trump se belastingopgawes te sien en ondersoek doen na die moontlike samespanning tussen Trump se 2016-verkiesingspan en Rusland,” sê prof. Theo Neethling, hoof van politieke studies en regeerkunde aan die Universiteit van die Vrystaat.
Hy verwys na die voortslepende ondersoek na beweerde Russiese inmengery in die vorige Amerikaanse presidentsverkiesing. Luidens berigte was daar interaksie tussen invloedryke Russe en Trumpbondgenote. Russiese kuberkrakers het glo inligting in Amerika gesteel en versprei om Trump te bevoordeel.
Theo sê die huis kan begin met die proses om Trump in ’n staat van beskuldiging te plaas.
Gronde vir ’n staat at van beskuldiging kan insluit onbehoorlike e gedrag betreffende Trump se veldtog en n Russiese hulp, dat hy hieroor gejok en ondersoeke ndersoeke daarna probeer dwarsboom het, en ook moontlike belastingbedrog. Hy kan ook k in 2019 in die sop beland omdat die porno-ster ter Stormy Daniels in Maart 2018 vertel het sy het in 2006 ’n affair met die president dent gehad en is kort voor die 2016-verkiesing verkiesing omkoopgeld betaal om stil te bly.
Twee ander porno-sterre o-sterre en ’n Playboymodel het ook na vore gekom met bewerings ngs dat hulle affairs met die president resident gehad het.
Dit kan alles teen The Don tel, en die Demokrate sal hul beheer oor die huis probeer gebruik om Trump in 2020 uit die Withuis te skop.
Verwag dus groot drama uit Amerika, voorspel die kenners. “Tweespalt tussen die landelike en stedelike gemeenskappe, tussen blou- en witboordjiewerkers en tussen populiste en niepopuliste is opsigteliker as ooit tevore,” se Colin Provost, professor in openbare beleid aan die Universiteitskollege van Londen.