KNOFFELAPPELKOOSHOENDER
Gebruik sommer baie knoffel om dit ekstra geurig te maak! Die appelkooskonfyt sorg dat die hoender lekker klewerig en goudbruin braai. GENOEG VIR 4-6 MENSE BEREIDING: 10 MIN. GAARMAAK: ONGEVEER 1 UUR 6-8 hoenderporsies sout en peper 8 knoffelhuisies, fyngedruk 60 ml (¼ k) fyn appelkooskonfyt sap en fyngerasperde skil van 1 suurlemoen 1 knoffelbol, oopgebreek (opsioneel) VIR AFRONDING 15 ml (1 e) appelkooskonfyt, effe verhit ’n hand vol koljander of pietersielie, gekap Voorverhit die oond tot 190 °C. 1 Geur die hoender met die sout en peper. Meng die knoffel, appelkooskonfyt, suurlemoensap en -skil goed en smeer oor die hoender. 2 Pak die hoender en die knoffelbol, indien gebruik, in ’n oondbak en bedek met foelie. Rooster 40 min. 3 Vir afronding Draai die hoender om en verf met die ekstra appelkooskonfyt. Rooster nog 15-20 min. of tot die hoender goudbruin is. Sprinkel die koljander of pietersielie oor.