HOENDERSTOKKIES MET SAAD-EN-NEUTPESTO
Okkerneute bevat baie omega-3-vetsure. In sekere studies word beweer ’n hand vol neute daagliks help om cholesterol te verlaag, bloedsuikervlakke te beheer en selfs om daardie hardnekkige maagvetjies af te skud. LEWER 21 STOKKIES BEREIDING: 15 MIN. MARINEER: 30 MIN. GAARMAAK: 20 MIN. HOENDER 15 ml (1 e) elk gekapte knoffel, varsgemaalde peper, gerookte paprika en droë origanum 5 ml (1 t) borrie 60 ml (4 e) olyfolie 15 ml (1 e) balsemieke asyn 4 hoenderborsfilette, in groot blokke gesny sout ekstra olyfolie PESTO 120 g krulkool, babaspinasie en pietersielie 2 knoffelhuisies, gekap sap en skil van 1 suurlemoen 180 ml (1 k) olyfolie 150 g kombinasie van okkerneute, sonneblomsade en pampoenpitte, gerooster 90 g grofgekapte appelliefies en bloubessies
1 Hoender Meng al die bestanddele vir die marinade en giet oor die hoender. Laat 30 min. staan. Geur met sout. 2 Braai in ’n bietjie olyfolie tot net gaar en ryg een blok per stokkie.
3 Pesto Verwerk die blare en knoffel in ’n voedselverwerker tot fyn. Voeg die suurlemoensap en -skil by en giet die olyfolie deur die tuit by. Verwerk tot gemeng. 4 Voeg die neute, sade en pitte by en verwerk tot grofgekap. 5 Voeg die appelliefies en bloubessies by en meng deur. 6 Sit die hoender saam met die pesto voor.