SPELETJIES VAN 2018
– EN VANJAAR SE WITWARMMNUWELINNUWELINGE GE
2018 was ’n skitterende jaar vir videospeletjies, met ’n paar groot bekendstellings. Hier is 10 van ons gunstelinge 1. God of War (slegs PS4)
Die speletjie is vroeg verlede jaar uitgereik en daarom sou ’n mens dit maklik kon vergeet. Maar dis onmoontlik om daarmee fout te vind. Die grafika, speel-ervaring en storie in God of War is uitsonderlik en dit was van die begin tot die einde ’n absolute vreugde om te speel.
2. Call of Duty Black Ops 4 (PS4, Windows, Xbox One)
Black Ops 4 herinner ons hoekom Call of Duty die kragtige speletjiereeks geword het wat dit vandag is. Hierdie jongste uitreiking is op alle vlakke puik. Dit is tot dusver die beste speletjie in die reeks.
3. Forza Horizon 4 (Xbox One, Windows)
Horizon 4 se veranderende seisoene, reusewêreld en ten volle geïntegreerde aanlyn spel maak dit uitstekend in ’n genre wat ’n bietjie saai begin raak het. Voeg daarby die groot keuse van motors en weeklikse geleenthede, en jy het ’n speletjie wat jy nog lank sal speel.
4. Red Dead Redemption 2 (PS4, Xbox One)
Red Dead 2 stel sy eie voorwaardes en volg sy eie pas. Die speletjie se wêreld is ongeëwenaar en die aandag aan detail iets wat ons nog nie voorheen gesien het nie.
5. Battlefield V (PS4, Windows, Xbox One)
Battlefield neem ons terug na die slagvelde van die Tweede Wêreldoorlog en dit stel nie teleur nie. Groot 64-spelergevegte, ’n spul nuwe modusse en die belofte van gratis bykomende inhoud in die toekoms maak dit een van ons gunsteling-Battlefields nog.
6. Hitman 2 (PS4, Xbox One, Windows)
Hitman 2 is die beste Hitman-ervaring en bou voort op die sukses van die 2016-Hitmanspeletjie. Hiermee verskaf IO Interactive nog meer van die ongelooflike sluipmoordenaarspeelervaring wat ons geleer het om van hulle te verwag.
7. The Forest (PS4, Windows, Xbox One)
Dié oorlewingspeletjie met ’n gruwelgrondslag is vanjaar op konsole uitgereik. Dit verg van jou om teen hordes kannibaalagtige wesens sen te oorleef. Dit het ’n goeie storielyn – as jy nie te besig is om die hope vyande af te weer wat jou jaag nie.
8. Marvel’s Spider-Man (slegs PS4)
Dis die beste superheldspeletjie wat ons in ’n baie lang tyd gespeel het . . . ’n fantastiese oop wêreld wat lewendig voel, ’n afwisselende speelervaring en ’n fantastiese storie wat vir ’n slag nie net ’n oorsprongverhaal is nie.
9. Monster Hunter World (PS4, Windows, Xbox One)
Monster Hunter het op die Nintendo 3DS uit sy kettings losgebreek en op ’n skouspelagtige wyse sy weg na die huidige generasie konsoles gevind. Monster Hunter World is alles waarvoor ons in ’n Monster Hunterspeletjie kon vra.
10. Pokémon Let’s Go Pikachu en Let’s Go Eevee (slegs Nintendo Switch)
Pokémon se eerste hooftitel wat op die Nintendo Switch uitgereik is, stel nie teleur nie. Dit is ’n wonderlike onthoureis vir aanhangers van die oorspronklike groen-en-geel weergawes van Pokémon, en ’n lekker plek vir nuwe Pokémon-aanhangersg om aan boord te kom.