Spierwit winterwonderland vir die Potgieters

Die aktrise Angelique Potgieter en haar rugbyspelerman, Jacques Potgieter, het teen die spierwit hellings van die Franse Alpe baljaar. Dié belewenis het ’n dogtertjiedroom vir Angelique bewaarheid. “Ek het nog altyd daarvan gedroom om sneeu te sien, en hier is ek op 35-jarige ouderdom waar ek in die suide van Frankryk ski,” het sy aanlyn by ’n foto geskryf. Jacques het verlede jaar ’n kontrak met Toulon in Frankryk gesluit, en Angelique en hul drie kinders, Jacques jr. (2) en die tweelingdogtertjies Annabella en Olivia (11 maande), het by hom aangesluit.