Supersakpas VANIELJE-OLIELAAGKOEK MET VARS VRUGTE

Ná ’n lekker Desembervakansie is die meeste van ons platsak. Vervang jou gunstelingbestanddele met goedkoper alternatiewe. Ons wys jou hoe

Vervang botter met olie

Botter is deesdae peperduur. Bak eerder ’n koek soos dié met olie pleks van botter. LEWER 1 TWEELAAGKOEK BEREIDING: 20 MIN. BAK: 30-35 MIN. 4 eiers 250 ml (1 k) suiker 10 ml (2 t) vanielje 180 ml (¾ k) olie 625 ml (2½ k) koekmeel 10 ml (2 t) bakpoeier 2,5 ml (½ t) fyn sout

250 ml (1 k) melk VERSIERSEL 250 ml (1 k) natuurlike volroomjogurt 60 ml (¼ k) strooisuiker 250 ml (1 k) room, geklits AFRONDING 4-6 nektariens, in dun skyfies gesny eetbare blommetjies (opsioneel) Voorverhit die oond tot 180 °C. Bespuit ’n 25 cmronde losboomkoekpan met kossproei en voer die bodem uit met bakpapier. 1 Klits die eiers en suiker saam tot liggeel en donsig. Voeg die vanielje en olie by en klits tot goed gemeng. 2 Sif die meel, bakpoeier en sout saam en voeg om die beurt met die melk by die eiermengsel. 3 Giet die beslag in die bereide koekpan en bak 25-30 min. of tot gaar en tot ’n toetspen skoon uit die middel van die koek kom. 4 Laat die koek 10 min. in die pan afkoel en keer uit op ’n draadrakkie. Laat dit heeltemal afkoel en sny die koek in die helfte om twee lae te maak. 5 Versiersel Meng die jogurt en suiker. Vou die room by die mengsel in.

6 Afronding Smeer die helfte van die versiersel op die onderste laag van die koek. Pak ’n laag nektarienskyfies bo-op. 7 Plaas die ander koekhelfte bo-op en skep die res van die versiersel bo-op. Rangskik die res van die nektariens soos verkies op die koek en versier met die blommetjies, indien gebruik.