VEELSYDIGE ONTBYTSTRATA
Die lekkerte van dié gereg is dat jy dit die vorige aand kan bymekaarsit, en al wat oorbly, is om dit die volgende oggend te bak. Jy kan die resep na goeddunke aanpas namate jy die bestanddele beskikbaar het. GENOEG VIR 4 MENSE BEREIDING: 20 MIN. STAAN: 1 UUR OF OORNAG BAK: 30-40 MIN. 500 ml (2 k) brood, in stukke gebreek 250 ml (1 k) melk 3 eiers 10 ml (2 t) mosterdpoeier 5 ml (1 t) paprika 2,5 ml (½ t) neutmuskaat 1,25 ml (¼ t) brandrissievlokkies sout en peper na smaak 375 ml (1½ k) mozzarella-, cheddar- of bloukaas, gerasper EKSTRAS olie 3 stingeluie, gekap 1 rooi soetrissie, gekap 125 g sampioene, in skyfies gesny 125 ml (½ k) gekapte ham of skyfies chorizo ’n groot hand vol gekapte pietersielie of koljanderblare VIR VOORSIT gebraaide babatamaties of tamatiesous Voorverhit die oond tot 180 °C. Smeer ’n oondbak. 1 Pak die brood op ’n bakplaat uit en bak 10 min. tot net effens uitgedroog. Sprinkel die brood in die bereide oondbak. 2 Klits die melk en eiers saam en geur met die geurmiddels. Voeg die
helfte van die kaas by en giet die mengsel oor die brood.
3 Ekstras Wissel die bestanddele af namate jy dit beskikbaar het. Verhit die olie en braai die uie, soetrissie en sampioene tot sag. Voeg die ham of chorizo by en roerbraai effens. Laat afkoel. 4 Skep die mengsel in die oondbak en sprinkel die pietersielie of koljander en die res van die kaas oor. Bedek en laat minstens ’n uur staan of oornag as jy dit vir ontbyt wil voorsit. 5 Bak 40 min. of tot gaar en uitgepof. Laat staan 10 min. en skep met ’n lepel uit.
6 Voorsit Sit voor saam met die gebraaide tamaties of tamatiesous.